«Aqtóbe» fýtbol klýbynyń bas dırektory bolyp Samat Smaqov taǵaıyndaldy, dep jazady Qamshy.kz aqparat agenttigi.

KazFootball.kz saıtynyń málimetinshe, bul sheshimdi Aqtóbe oblysynyń ákimi Berdibek Saparbaevtyń ózi qabyldaǵan. Jańa bas dırektor qyzmetine búginnen bastap kiristi.

Klýbtyń burynǵy dırektory Maqsat Túmalıev 4 qańtarda qyzmetinen ketti.

Qazaqstannyń eń úzdik fýtbolshylarynyń biri Samat Smaqov:

- 2000 jylǵy Olımpıadaǵa irikteý týrnırinde Qazaqstannyń olımpıalyq quramamynda óner kórsetti.

- Quramy komandasynda alǵashqy oıyny 2000 jyly naýryzdyń 31 -inde Iordanıa komandasymen ótti.

- Qazaqstan Ulttyq quramasynda 62 oıyn ótkizip, 2 dop soqqan.

- Qazaqstan quramasynda eń kóp oıyn ótkizý jaǵynan Rýslan Baltıevten keıingi ekinshi orynda.

- Ulttyq quramadaǵy alǵashqy dobyn 2007 jyldyń qyrkúıeginde Belgıa quramasyna soqty.

- 2011 jyly Ulttyq quramadaǵy mansabyn aıaqtaıtyny jaıly sheshim qabyldady.

- 2014 jyly Ulttyq quramaǵa qaıta oraldy.

- EVRO-2016 irikteý dodasynyń aıasynda, Túrkıaǵa qarsy ótken oıynda Samat óziniń qurama sapyndaǵy 2-shi golyn soqty.