Óner, shyǵarmashylyq adamǵa ýaqytsha bolsa da shynaıy ómirdi umytyp qıal ǵajaıyp álemine enýge múmkindik beredi. Ólim jazasyna kesilgender úshin onyń orny erekshe. Óz ólimin kútip otyrǵandar úshin óner – ózin tabýdyń bir joly ispettes. Ólim jazasyna kesilgenderdiń keıbir eńbekteri óte sátti shyqqan. Sondaı talanttardyń biri Múran Sýkýmarana. Ony Avstralıanyń Sıdneı qalasynda ólim jazasyna kesken. Múrannyń eńbekteri «Jumaqtaǵy bir kún» kórmesinde qoıyldy.
Melanı Gýdvınniń ishinde birneshe adam qatar ómir súrip jatqandaı. Melanı keıde úsh jastaǵy qyzǵa aınalady. Ol ýaqytta 4 jastaǵy Melanı oıynshyqpen oınaıdy. Keıde 16-daǵy qyzdaı júredi. Bul kúnderi Melanı óz kóligimen emes velosıpedpen kerekti jerine barady. Sebebi kólikti júrgize almaı qalady.
Melanı túrli jastaǵy adam bolyp shyǵa keledi. Eń qyzyǵy dál sol jastaǵy súrgen ómiri onyń esinde qalmaǵan. Ýaqyt óte kele Melanıa bala kezinde zorlyqty bastan ótkergeni esine túsken.
«Meniń ishimde 9 túrli adam ómir súredi. Olardyń jasy ártúrli. İshimdegi adamdardyń árqaısysy óz degenimen júrgisi keledi jáne bala kezdegi aýyr jaǵdaıdy esine alǵysy kelmeıdi» dedi Melanı.
Aahenedegi adam genetıka ınstıtýtynyń (Germanıa) profesory Ingo Kýrtanyń erekshe emdelýshisi bar. Onyń esimi Stefan Bets. Jasy 21-de. Stefan eshqandaı aýrýdy sezbeıdi. Oǵan narkoz nemese aýrýdy basatyn dárisiz-aq ota jasaı berýge bolady. Sebebi pyshaq Stefanǵa eshqandaı aýyrlyq sezimin týdyrmaıdy. Desek te, Stefan basqa adamdar sekildi sýyqta tońady, ystyqta terleıdi.
Stefannyń ata-anasy men baýyrlarynda mundaı erekshelikke ıe emes. Anasynyń aıtýynsha, Stefan 5 jasynda tiliniń ushyn tistep turyp eshteńeni sezbegen. Osydan keıin ata-anasy ony dárigerge kórsetti. Tekserý nátıjesinde Sol kezde Stefannyń eshqandaı aýyrlyq sezimin sezbeıtini anyqtalǵan.
