Amerıkalyq turǵyn Feısbýk áleýmettik jelisindegi tikeleı efır barysynda oqqa ushqan. Bul týraly WGN9 habarlady, dep jazady Qamshy.kz aqparat agenttigi.
Oqıǵa Chıkagoda, Vashıngton saıabaǵyna taıaý mańda oryn alǵan. Telearnanyń málimetine súıensek, 27 jastaǵy amerıkalyq boıjetken áleýmettik jelide tikeleı efır júrgizip kele jatqan ýaqytta jol boıyndaǵy kólikte otyrǵan áıelmen sózge kelip qalady. Janjal barysynda kólikte otyrǵan áıel ekinshisine oq atady. Zardap shegýshige oq tıgenimen tikeleı efırdi úzgen joq. Keıin anyqtalǵandaı, janjaldasqan eki áıel tanys bolyp shyqty.
Oq atylǵan sát vıdeoǵa túspegen, alaıda quqyqqorǵaý organdary efırdiń rastyǵyn moıyndady. Jergilikti polısıa oq atqan áıeldi izdestirýde.
Zardap shegýshi aýrýhanada jatyr, jaǵdaıy qalypty.
