Qazaqstan Respýblıkasy Aqparat jáne komýnıkasıalar mınıstri Daýren Abaev Baılanys qyzmetin kórsetý erejesine jańa ózgertýler engizilip jatqannyn aıtty dep habarlaıdy Qamshy.kz aqparat agenttigi. Bul týraly mınıstr óziniń Facebook paraqshasynda jazǵan bolatyn.

«Qymbatty dostar!

Bizdiń mınıstrlik Baılanys qyzmetin kórsetý erejesine jańa ózgertýler engizýde. Bul ózgertýler uıaly baılanys abonentteri kópten beri aıtyp júrgen birqatar problemany sheshýge baǵyttalyp otyr.
Osyǵan birneshe mysal keltire keteıin.
Jańa ereje baılanys operatorlaryna jeke shotta qarajat bolmaǵan jaǵdaıda qyzmet kórsetýge tosqaýyl qoıyp otyr. Bul - negizinen roýmıng qyzmetine qatysty. Osylaısha, biz abonenttik nomerdiń «mınýs» bolýynyń, ıaǵnı qaryz bolyp qalýynyń aldyn alamyz.
Sondaı-aq, budan bylaı aýystyrylǵan nomerge qońyraý shalý kezinde «beep» qosý sıgnalyn erikten tys ornatý praktıkasy joıylady. Endi shaqyrý sıgnalynyń aldynda qosymsha akýstıkalyq sıgnaldar men paýzalardy ornatý abonenttiń ótinishimen ǵana iske asady. 
Sonymen qatar, abonentke ussd komanda nemese sms jiberýdi engizý arqyly qosymsha baılanys qyzmetterin tańý problemasy da sheshildi. Endi klavıshti qatelesip basý, kezdeısoq habarlama jiberý nemese basqa da baıqaýsyzda bolǵan áreketter saldarynan qajetsiz qyzmetterge qosylyp ketpeısiz. 
Jaqyn ýaqytta qujattyń tolyq mátini BAQ-ta jarıalanady, osydan keıin 10 kúnnen soń ol kúshine enedi»,- dep jazdy Daýren Abaev.