Qara óleń – yqylym zamandardyń eleginen ótken, bir ǵana avtordyń emes, tutas ulttyń rýhanı genefony. Dálirek aıtsaq, tektik negizi men jaralymy. Epostarǵa ES juparlap, qara óleńge KİNDİK baılamaıynsha qolǵa qalam alýǵa bolmaıdy. Emlesi (jazylýy) qazaqsha degenińiz bolmasa, oıyn (mazmunyn) adam túsinbeıtin, beınebir tárjimá ispetti teksiz (genetıkadan ada) óleńderdiń qaýlap ketýiniń túpki tini osynda jatyr. Biz Alla jetkirse bul taqyrypqa qaıyra oralyp, sol shirkinderdiń atyn atap, óńin tústeı otyryp jeke-jeke jilikteıtin bolamyz. Qysqasy, sózýar, kúshenshek, qoldan túnerip óleń quraıtyn «aqynsymaqtarǵa» SHYN ÓLEŃNİŃ mártebesi osylaı bolady degen maqsatpen qara óleńniń ǵashyqtyq salasynan birer shýmaqtar usynyp otyrmyn...
Jylqym jýsar sáskede Shappakólge, JANYM SERGİR SEN JAQTAN SOQQAN JELGE. Sen esime túskende beý, qalqataı, KÓZİMNEN AQQÝ JÚZER AQQAN SELGE.
Aýylyń Jasybaıdyń aq sorynda, Talasar jaman asqa, jaqsy orynǵa. AQQÝDAI TOLQYN SOQQAN KÓLBEŃ ETİP, AQ ÚIDİŃ QYLAŃ BERSHİ JAPSARYNDA.
Áýede ushyp júrgen qara ınelik, Ushady qara ınelik zar ılenip. Sen esime túskende qımas qalqa, QATADY QABYRǴAMA QAN ILENİP.
Qolynda jylqyshynyń aqtan quryq, At mindim kertóbeldi baptandyryp. QAIYRYLTYP AQ TAMAQTAN BİR SÚIGİZSHİ, ORYNYNDAI TÚIMENİŃ DAQ QALTYRYP........ ( dep kete beredi)....
Yqylas Ojaıuly(Facebook paraqshasynan)
