Búgin Almaty qalasy Bostandyq aýdanynyń qorǵanys isteri jónindegi basqarmasynda Qazaqstan Respýblıkasynyń Prezıdenti N. Nazarbaevtyń 2018 jylǵy 10 qańtardaǵy "Tórtinshi ónerkásiptik revolúsıa jaǵdaıyndaǵy damýdyń jańa múmkindikteri" Qazaqstan halqyna Joldaýy talqylandy dep habarlaıdy Qamshy.kz aqparat agenttigi. 

Joldaýdy talqylaý barysynda qoıylǵan 10 mindet talaptaryn Almaty qalasy Bostandyq aýdanynyń qorǵanys isteri jónindegi basqarmasynyń kadrlar jumysy jáne zapastaǵy ofıserlermen jumys jónindegi bólim bastyǵy maıor Halılov P.O. túsindirdi.

Ol sózinde "Elbasy N.Á.Nazarbaev Qazaqstan halqyna arnalǵan jyl saıynǵy Joldaýyndaǵy 10 negizgi mindet eldiń ál-aýqatynyń artýyna zor múmkindik beredi. Joldaýda ekonmoıkalyq jáne áleýmettik máselelerge basymdyq berilgen. Sebebi, árbir mindettiń iske asyrylýy joǵary deńgeı men sapaly nátıjeni kórsetedi. Sondaı-aq árbir mindettiń ózindik orny bar"- dedi.

Atalǵan is-sharada Joldaýdyń 9-mindetinde jemqorlyqpen kúres jáne zańnyń ústemdigine basa nazar aýdaryldy. Sonymen birge, bul joldaýdyń ereksheligi - jemqorlyqtyń aldyn alýǵa baǵyttalǵan kúrestiń jalǵasýy.

Qazirgi tańda zamanaýı tehnologıalardyń qarqyndy damýyna baılanysty memlekettik organdardaǵy prosesterdi, sonyń ishinde olardyń halyqpen jáne bıznespen qarym-qatynasyn sıfrlandyrý - jyldam qyzmet alýǵa múmkindik beretindigi talqylandy.

10 mindet - naqty qadam. Óıtkeni, Qazaqstannyń jyldam damýy sıfrlyq úrdistiń ońtaıly jáne jyldam ádisterin qoldanýǵa meılinshe múmkindik beredi.

Elbasy Joldaýyndaǵy naqty qadamdardy iske asyrý aldaǵy mindetter bolyp tabylmaq.

Qarlyǵash MUSABEKQYZY