2018 jyldyń 1 qańtarynan bastap, memlekettik qyzmetkerlerge tólenetin eńbek jalaqysynyń jańa júıesi jóninde Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Aqmola oblysy boıynsha departamenti basshysynyń orynbasary Raıhan Ǵazızqyzy Brataeva Kókshetaýda ótken brıfıńte aıtyp berdi, dep jazady Qamshy.kz aqparat agenttigi. 

«Elbasy Joldaýyndaǵy 9-shy tarmaqta aıtylǵandaı, memlekettik qyzmetkerlerdiń eńbek ótilimin faktorly baldyq kórsetkishpen esepteý júıesi engiziledi. N. Nazarbaev aıtqandaı, memlekettik qyzmetkerdiń aılyǵy jasaǵan jumystaryna saı tólenýi kerek, bul halyqtyń 5-6 qadamy josparynyń jalǵasy.

2018 jyldyń 1-shi qańtarynan bastap,  faktorly baldyq kórsetkishtiń synamaly jobasy ortalyq jáne jergilikti atqarýshy organdarǵa engizildi. Árbir memlekettik qyzmetkerdiń jeke jumys jospary bar, al oǵan qosymsha tólenetin syıaqy jasaǵan jumystyń qanshalyqty nátıjeli ekendigine saı tólenedi. Atqarǵan qyzmettiń baǵasyn barlyq memlekettik organda bar arnaıy baǵa beretin komısıa   anyqtaıdy. Burynǵydaı teńgermeshilik endigári bolmady», -dedi Brataeva.

R. Brataeva men Aqmola oblysynyń memlekettik qyzmetter basshysy Gúlmıra Evnıevanyń sózinen aımaqta osy kúni 5929 qyzmetker bar ekendigi belgili boldy. Joǵarǵy bilimi bar qyzmetkerler – 89,1%-dy quraıdy. Al 14%-y birneshe JOO bitirgen, onymen qosa 29 jasqa deıingi jastardyń sany artyp keledi. Búginde olar qyzmetkerlerdiń ¼ bóligin quraıdy.