Aǵylshynnyń kómek qoǵamy Oxfam jahandyq tabys ádiletsizdiginiń 2017-de arta túskenin baıqaǵan, dep jazady Qamshy.kz. Bul týraly  BBC túrik qyzmeti habarlady.

Maqalada eń baı adamdardyń bir paıyzy ǵana jer-jahandaǵy kapıtaldyń 82 paıyzyna ıe ekenin jazǵan.

Kedeılikpen jáne sebepterimen kúresýdi maqsat tutatyn, álemniń 90-nan astam elinde qyzmet etetin qoǵamnyń esebinshe álemdegi kedeılerdiń 50 paıyzynda eshqandaı da kapıtal artýy baıqalmaǵan.

Oxfam baıqaǵandaı, Álemdik ekonomıkanyń júıesi sátsizdikke jol alyp barady.

Salyqtan jaltarý, kompanıalardyń saıasattaǵy artyp bara jatqan yqpaly, jumysshy quqyqtarynyń «erozıaǵa» túsýi, únemdeý saıasattary tabys ádiletsizdiginiń shyńyraýyn tereńdetip bara jatqan sebepteri dep topshylaǵan Oxfam.

Eske salsaq, Oxfam 2017 jyldyń basynda álemdegi halyqtyń jartysyna tıesili kapıtaldyń tek 8 adamnyń qolynda ekenin málimdegen bolatyn. Atalǵan san bıyl 42-ge artqan. Bul esepke sońǵy statısıkalar qoldanylǵan.

Oxfam dırektory Mark Goldring «atalǵan jaǵdaıǵa qalaı qarasańyz da qabyldaý qıyn» degen.

Zertteý qoǵamy ekonomıkalyq prosesterdi baqylap, kompanıalardyń aksıonerleriniń paıdasyn ústemeleı túsý úshin atqarǵan jumystarynyń áleýmettik sebepteriniń nazarǵa alynýy tıis ekenine mán berip otyr.

Álemdegi dollar mıllıarderleriniń jalpy sany  2043 ekenin málimdegen Oxfam, árbir 10 mıllıarderdiń toǵyzy erkek ekenin, áıel men erkek arasyndaǵy tabys ádiletsizdigine de nazar aýdarǵan.  

Oxfam qoǵamy el úkimetterine álemdegi baılardyń 10 paıyzynyń baılyǵy jer betindegi kedeılerdiń 40 paıyzynyń kapıtalynan asyp ketpeýi úshin baǵdarlamalar qabyldaý qajettigin usynǵan.

Alaıda erkin naryq ekonomıkasyn jaqtaıtyn zerteý uıymy Ekonomıkalyq baılanystar ınstıtýtynyń dırektory  Mark Littlewood «Oxfam kedeı toptyń máselesine sheshim tabýdyń ornyna baı adamdardyń maqtanýyna jaǵdaı jasap berip otyr» dep sókti. «Salyqtyń arta túsýi men kapıtaldyń qaıta bólinisi kedeı toptar úshin bir paıda bermeıdi. Baı tulǵalar birdeı ýaqytta eń kóp salyqty tóleıtin kisiler. Olardyń paıdasynyń azaıtylýy eshkimge paıdaly emes», - degen ınstıtýt dırektory.