20-21 qańtarda elimizdiń 20 qalasynda 80 myńǵa jýyq qazaqstandyq muz aıdynynda ótken Halyq banktiń naýqanyna qatysty, dep jazady Qamshy.kz aqparat agenttigi.

Qazaqstan Halyq Bankiniń 95-jyldyǵyna oraı Bank «Igi ister festıvali» naýqanyn ashty.  

«Daladaǵy aıazǵa qaramastan arnaıy muz arenalary men muz aıdynyna kelgen adamdardyń legi eki kún qatarynan azaımady. Olardyń tarapynan aıtylǵan alǵystar men izgi nıetterinen-aq bastamamyzdyń durys ekenine kózimizdi jetkizdik. Biz aýqymdy «izgilik estafetasyn» iske qostyq jáne de osy estafetamyzǵa klıentterimiz kóptep qosylyp jatsa nur ústine nur bolar edi», - dedi Qazaqstan Halyq Bankiniń basqarma tóraǵasynyń orynbasary Aslan Talpaqov. 

Banktiń osy bastamasynyń negizi men bir jyl boıy uıymdastyrylatyn barlyq qaıyrymdylyq sharalardy baılanystyratyn nárse ol ıgi is jasaý jáne osy ispen barsha qazaqstandyqtarmen bólisý bolyp tabylady. 2018 jyldyń ár aıy jalpy taqyryptardyń birine arnalmaq: sport pen salaýatty ómir salty, ulttyq dástúr, óskeleń urpaq pen qart adamdarǵa degen qamqorlyq, sonymen qatar mádenıet pen ónerdi de qamtıtyn bolady. Halyq banktiń «Igi ister festıvali» aıasyndaǵy árbir jańa naýqan jaıyndaǵy aqparat aldyn ala jarıalanyp turady.

«Banktiń 95-jyldyq mereıtoıy kem degende 95 ıgi istermen qosa atqarylýy tıis dep sheshtik. Mine, osy isterdi biz óz klıentterimizben birge iske asyramyz dep josparlap otyrmyz. Bizdiń bastamamyz dostyqty nyǵaıtýǵa jáne ultaralyq kelisimge, sondaı-aq qoǵamda paıdaly jobalardy qoldaýǵa azǵantaı bolsa da óz úlesin qosatynyna senemiz mol», – dedi óz sózinde Aslan Talpaqov.

Banktiń 95-jyldyǵyna arnalǵan merekelik is-sharalarǵa Qazaqstan Halyq Bankiniń aksıonerleri qurǵan Halyk qaıyrymdylyq qory da qatysatyn bolady. Qor óziniń áleýmettik jáne qoǵamdyq máni bar baǵdarlamalaryn keńeıtedi, olardyń qataryna: jetimder úıin kompúterlendirý jobasy; ǵylymı-kópshilik taqyryptarǵa arnalǵan tanymdyq beınekontenti bar SmartHalyk Youtube-arnasy; elimizdiń eki basty opera teatry – Astana opera men Almaty qalasyndaǵy Abaı atyndaǵy memlekettik opera jáne balet teatrymen uıymdastyrylǵan jańa qoıylymdar jatatyn bolady. Budan basqa, Halyk qory basketbol men fýtzaldan balalar men stýdentterdiń sport jarystaryn ótkizý boıynsha óziniń dástúrli qoldaý kórsetýin jalǵastyrady.