1963 jyly jeltoqsan aıynda amerıkalyq eki oqýshy adamnyń  qansha kún uıqysyz júre alatynyn anyqtaý maqsatynda zertteý júrgizdi. Onyń nátıjesi ǵalymdarǵa sharshańqy mıdyń ishinde ne bolatynyn anyqtaýǵa kómektesti.

Zertteý 1964 jyly 8 aqpanda aıaqtaldy. 17 jastaǵy Rendı Gardner 11 táýlik jáne 25 mınýt uıyqtamady.

Rendı uıqysyz júrgen kúnderi men túnderi kóbeıgen saıyn onyń dám sezý, ıis sezý qabileti, dybystardy aıyrý qabileti qalypty deńgeıden aýytqı bastaǵan.

Uıqysyz ótken 264 saǵattan keıin Rendı álemdik rekordty jańartty. Osydan keıin Rendıdiń uıyqtaýy kerek edi. Biraq ony áskerı gospıtalge jatqyzyp, mıyn zerttedi.

Ol 14 saǵat uıyqtady. Dárethanaǵa barǵysy kelgende oıandy. Onyń tájirıbeden keıin uıyqtaǵan alǵashqy túni jyldam uıyqtaý fazasy (dál osy fazada biz tús kóremiz) óte úlken edi. Odan keıin ol kishireıe bastady da, kóp ýaqyt ótpeı-aq qalypty deńgeıge tústi.

Rendıdiń mıyn zertteý nátıjesi Arızonadaǵy ǵylymı ortalyqqa jóneltildi. Onyń qorytyndysyna saı, Rendıdiń mıy uıyqtap, qaıta oıanyp otyrǵan. Mıynyń bir bóligi uıyqtasa, ekinshi bóligi oıaý bolǵan.

Osydan keıin Rendı Gardnerdiń rekordyn jańartýdy qalaǵandar kóp boldy. Alaıda Gınnes rekordtar kitaby «densaýlyqqa zıan» degen sebeppen ol tájirıbelerdi tirkemedi.

Uıqysyz ótken 11 táýlik Rendıdiń densaýlyǵyna keri áser etpedi. Biraq birneshe jyl boıy onyń túnde durys uıyqtaı almaǵany anyqtaldy.