Álıa Nazarbaeva «Ustazdy izdeý» derekti fılminde óz balalarymen qarym-qatynasy týraly áńgimelep berdi, - dep habarlaıdy Qamshy.kz aqparat agenttigi. Bul fılm Youtube kanalynda paıda boldy. 

Álıa Nazarbaevanyń oıynsha ustazdyń eń qurmetti tulǵa bolýy asa mańyzdy. 

«Áıtpese, bergen bilimi bir basqa, úıge kelip jasaǵan áreketi bir basqa bolýy múmkin. Balalar muny sezedi jáne sol úshin tyńdamaıtyn bolady. Al eger, ustazdyń oıy men áreketi bir bolsa, ondaı ustaz súıikti bolyp, olar pándi jaqsy kórip, qalaıtyn (oqýdy - Avt.) bolady. Aıtady ǵoı, súıikti pánder degenimiz, súıikti pedagog, muǵalim, ustaz bar jerde dep», - dedi Nazarbaeva.

Keıin Álıa Nazarbaeva óziniń úlken qyzynan alǵash ret keshirim suraǵanyn aıtty. 

«Úlken qyzymmen áńgime boldy. Men qyzymnan ómirimde alǵash ret keshirim suradym. Men: «Qyzym, ana da qatelesedi. Keshirshi meni, ótinemin», dep aıttym. Ekeýmiz de jyladyq. Men de, ol da jylady. Osydan keıin ishimde bir nárse ózgergendeı boldy. Bizdiń qarym-qatynasymyz odan saıyn jaqyndaı tústi. Men qyzyma, eger men durys aıtpasam nemese kishi inilerińe, sińlilerińe qatysty durys áreket jasamasam, sen de maǵan keńes ber dedim. Saǵan, syrt kózge jaqsy baıqalady ǵoı. Birge tyrysyp kóreıik. Endi men de jaqsy ana bolýdy úırenip júrmin. Menińshe, bul tamasha proses, ol óte tereń, ishki sezim. Sen ishki sezimdi sezingen kezde ózgere bastaısyń jáne seni qorshaǵan álem, óz jaqyndaryńnan bastap jaqsy jaǵyna qaraı ózgeretin bolady», - deıdi Álıa Nazarbaeva.  

Derekti fılmde 2013 jyldan beri elimizde Marına Targakovanyń basshylyǵymen Gýmanısik pedagogıka ortalyǵynyń jumys istep jatqany jáne 2018 jyly Astanada Álıa Nazarbaevanyń qoldaýymen Gýmanısik pedagogıka mektebi ashylatyny aıtylady.