Jetimder úıinde birneshe jyl boıy balalar zorlanyp kelgeni týraly aqparat kelip túskennen keıin Chelábınsk oblysynyń tergeýshileri qylmystyq is qozǵady.
Tergeý komıtetiniń baspasóz qyzmetiniń habarlaýynsha, Chelábınsk oblysynyń turǵyny «14-ke tolmaǵan balany zorlady» degen aıyppen qamaýǵa alyndy.
Atalmysh qylmystyq is boıynsha jeti adam jábirlenýshi retinde tirkeldi. «Óz jumysyna nemquraıly qarady» degen aıyppen jetimder úıiniń qyzmetkerleri jaýapqa tartylýy múmkin.
Jergilikti BAQ-tyń habarlaýynsha, jetimder úıi Chelábınskten 40 shaqyrym jerde ornalasqan. Onda ıntellektýaldyq deńgeıinde aqaýy bar balalar tárbıelenedi.
Jetim balalardyń birneshe jyl boıy zorlanyp kelgeni týraly aqparat BAQ-ta jarıalanǵanda birneshe ana Chelábınsktegi balalar úıinen asyrap alǵan balalardyń zorlyq-zombylyq kórgenin jýrnalıserge aıtyp berdi.
- Balamnyń jazda qalaı zorlanǵanyn estigende tóbe shashym tik turdy. Sene almadym, - deıdi 14 jastaǵy balany asyrap alǵan jergilikti turǵyn "AıF-CHelábınsk" basylymyna.
Taǵy birneshe ana asyryp alǵan balalarynyń zorlyq kórgenin jáne olardy balyq aýlaımyz dep kólge aldap aparyp, zorlyq kórsetip, soqqyǵa jyqqanyn aıtyp berdi.
Tergeýshiler zorlaý aıyby boıynsha qamaýǵa alynǵan kúdiktiniń esimin qupıada saqtap otyr. Onyń jasy 51-de ekeni ǵana belgili.
Ata-analar jetimder úıiniń qyzmetkerlerin de jaýapqa tartý kerek ekenin aıtady.
- Men balalardyń zorlyq kórmegenine 200% senimdimin, - deıdi mekeme basshysy.
Jergilikti turǵyndardyń aıtýynsha, ınternat aımaǵyna kirý ońaı. Darbaza únemi ashyq turatynyn aıtady.
Jetimder úıinde tekserý júrgizildi. Sonyń nátıjesinde, birneshe zań buzýshylyq tirkeldi. Qazir sotqa deıingi tekserý jumystary júrgizilip jatyr. Tergeýshiler zorlanǵandar men osy iske qatysty aıyptylardyń sany artýy múmkin ekenin jasyrmaıdy.
