Almatyda halyqtyq daýys berý arqyly eń úzdik Baıan Sulý obrazyn tańdaý sharasy bastaldy. «BAYAN SULU-2018» Halyqtyq beıne - Halyq tańdaýy» degen atqa ıe bolǵan bastamaǵa qostanaılyq «Baıan Sulý» kondıterlik fabrıkasy qoldaý kórsetip otyr. Saıys jeńimpazy 2018 jyldyń 15 sáýiri, ıaǵnı Ulttyq Ǵashyqtar kúninde belgili bolmaq, dep jazady Qamshy.kz aqparat agenttigi.
Jýyrda ulttyq arna ekranynan tarıhı taqyryptaǵy otandyq shyǵarylym - «Qozy Kórpesh – Baıan Sulý» telehıkaıasy kórsetildi. Týyndynyń kórermender kókeıinde unamsyz oı qalyptastyryp, rezonanstyń oryn alýyna uıytqy bolǵany jasyryn emes. Synı pikirler ásirese, basty keıipker Baıan Sulýdyń obrazyna baǵyttaldy, ıaǵnı «...kórermen qaýym óz qalaýyndaǵy shynaıy, jyrdaǵy beınemen ushtasatyn qazaq arýyn kóre almady». Uıymdastyrýshylardyń aıtýynsha, bul jaǵdaı - qazaq halqynyń osy tusta óz oıyn bildirgisi kelgendiginiń aıqyn mysaly jáne halyqtyń súıikti keıipkerin tańdaýǵa qatysýǵa nıetti ekenin anyq ańǵartady.
«Biz qyzý talqyǵa túsip otyrmyz. Qoǵamymyzda shynaıy Baıan Sulý beınesin dáripteıtin túsinikti tolyq qalyptastyrýǵa úles qossaq deımiz. Sondyqtan da qazaqstandyqtarǵa qarakóz arýlarymyzdyń arasynan ultymyzdyń súıikti obrazyna aqyly men kórki saı keletin, onymen ushtasatyn beıneni anyqtaý múmkindigin usynýdy jón sanadyq», - deıdi «Baıan Sulý» kondıterlik fabrıkasynyń ókili jáne uıymdastyrý komıtetiniń tóraǵasy Marlen Abylǵazınov.
Saıysqa qatysý úshin 18 jáne 35 jas aralyǵyndaǵy qyz-kelinshekter www.halykbayansulu.kz saıtyndaǵy arnaıy anketany toltyryp, óz fotosy jáne vıdeo-aqparatty júkteýi kerek. Vıdeoda qatysýshy Baıan Sulý obrazynyń qazaq halqyna erekshelik sıpatyn jáne osy beıneni somdaýǵa nege ol laıyqty ekendigi týraly áńgimeleýi tıis. Saıys 2018 jyldyń 15 aqpany men 31 naýryzy aralyǵynda ótedi. Osy ýaqyt aralyǵynda ınternet qoldanýshylar óz daýystaryn bere da alady.
Halyqtyń daýys berý nátıjesiniń negizinde fınaldyq kezeńge 5 qatysýshy ótkiziledi. Merekelik aqtyq báseke 15 sáýir kúni Almaty qalasynda ótedi. Ádilqazylar alqasynyń sheshimimen bes qatysýshynyń arasynan bir jeńimpaz anyqtalady. Saıystaǵy ádilqazylar alqasy quramyn qoǵam qaıratkerleri, mádenıet jáne BAQ ókilderi, sondaı-aq tanymal blogerler men medıa-tulǵalar quraıdy. Jeńimpaz arý sýper-júlde – avtokólikke ıe bolyp, jyl boıyna «Baıan Sulý» kondıterlik markasynyń resmı beınesi bolyp tanylady. Sondaı-aq, ekinshi (tropıkalyq aralǵa 2 adamǵa arnalǵan joldama), úshinshi (smartfon), tórtinshi jáne besinshi júldeli oryndarǵa da (aqshalaı sertıfıkattary) syılyqtar qarastyrylǵan.
Biz ózimizdiń tól mereke - «Qozy Kórpesh – Baıan Sulý» Ǵashyqtar kúniniń keń nasıhattalyp, toılanýyn qoldaımyz. Sondyqtan da, bul daýys berýdiń ótýi oryndy-aq, jáne ár otandasymyz beı-jaı qalmaı, daýys berý arqyly óz oıyn bildire alady, ıaǵnı bul degenimiz – ótken dástúrimiz ben ulttyq negizimizdi ulyqtaý»,- deıdi «Aıqyn» gazetiniń bas redaktory Nurtóre Júsip.
15 sáýirde el turǵyndary segizinshi ret «Qozy Kórpesh – Baıan Sulýdyń» máńgilik mahabbat sımvolyn dáripteıtin - Ulttyq Ǵashyqtar kúnin toılaıdy
