Almaty - Qazaqstannyń ońtústik-shyǵysynda ornalasqan alyp shahar. Qala men qala mańynda janǵa jaılylyq syılaıtyn demalys oryndary jeterlik. Jyl saıyn Almatyǵa keletin týrıserdiń qatary da artyp jatyr. Nazarlaryńyzǵa Almaty shaharyna tabanyńyz tıip jatsa, barý kerek jerlerdiń tizimin usynamyz!
Medeý
Medeý – jasandy muz aıdyny bar dúnıe júzindegi eń iri sport kesheni. Medeý muz aıdyny Almatydan 18 shaqyrym jerde ornalasqan. Sáýlet óneriniń ereksheligi men tabıǵı ereksheliginiń arqasynda Medeý muz aıdyny álemge tanymal.
Shymbulaq
2510 metr bıiktikte ornalasqan Shymbulaq taý-shańǵylyq kýrorty - Almatynyń injý-marjany. Bul jerde taýdyń taza aýasymen tynystaýmen qatar shańǵy tebýge bolady.
Kóktóbe
Kóktebe – Almatynyń ońtústik-shyǵysynda ornalasqan tóbe. Bıiktigi – 1070 metr. «Kóktóbe» tele-munarasy túrli tústi jaryqpen qala turǵyndary men qonaqtaryn ózine tartyp turady. Kóktóbeden Almatynyń sulýlyǵyn tamashalaýǵa ábden bolady.
Almarasan
Almatynyń ońtústik-batysynda ornalasqan taý shatqaly. Demalys kúnderi jaıaý qydyryp, ádemi peızajdyń kýágeri bolǵyńyz kelse, Almarasanǵa baryńyz! Shatqaldyń joǵary jaǵynda teńiz deńgeıinen 2500 metr bıiktikte Úlken Almaty kóli ornalasqan.
28 gvardıashyl-panfılovshylardyń parki
Almatynyń Medeý aýdanynda ornalasqan saıabaqtyń aýmaǵy – 18 gektar. Atalǵan saıabaq 19-shy ǵasyrdyń sońynda irgesi qalanǵan qaladaǵy eń alǵashqy saıabaq. Park ortasyndaǵy «Máńgilik alaý» - soǵys qurbandaryn máńgi este saqtaý maqsatynda laýlap turatyn ot.
Almaty zooparki
Almaty qalasyndaǵy Ortalyq saıabaǵynda ornalasqan zoopark Ortalyq Azıadaǵy úlken zooparkterdiń qataryna kiredi. Jyldyń kez kelgen mezgilinde janýarlardy kórýge ári serýendeýge múmkindik beredi.
Tuńǵysh Prezıdent parki
QR Birinshi Prezıdenti atyndaǵy saıabaq - dendroparki Almaty qalasy Bostandyq aýdanynyń Navoı jáne ál-Farabı kósheler qıylysynda ornalasqan.
