11 naýryzda Pekınde Jalpyqytaılyq jınalysynyń 13 shaqyrylymy ótti. Atalǵan jıynda QHR konstıtýsıasyna ózgeris engizý jobasy maquldandy dep habarlaıdy Qamshy.kz aqparat agenttigi. 

Basqarýshy Komýnıstik partıasy bir aı buryn Konstıtýtsıaǵa ózgeris engiziletinin málimdegen bolatyn. QHR Kontıtýtsıasyna ózgeris engiziletinine eshkimniń kúmáni bolmady. Sebebi partıa músheleri bul usynysqa qarsylyq bildirmegen bolatyn.

Daýys berýge 3000-ǵa jýyq halyq qalaýlylary qatysqan. Tek eki adam qarsy shyǵyp, 3 adam daýys berýden bas tartty.

Sonymen birge QHR negizgi zańyna Sı Szın Pınniń jańa dáýirdegi qytaılyq erekshelikteri bar sosıalızm, qytaı ultynyń uly jańǵyrýyna qol jetkizý jáne ekoórkenıettik qurylys túsinigi týraly ıdeıalary engiziledi.

Jańa túzetýler boıynsha, memlekettik qyzmetshiler qyzmetke kirispes buryn halyq aldynda ant beredi. Taǵy da aıta keterligi QHR memlekettik organdar júıesin baqylaıtyn Ulttyq komısıa engiziledi.

QHR tóraǵasy men tóraǵa orynbasary eki merzimnen artyq bılikte bolýǵa tyıym salatyn zań tarmaǵy alynyp tastaldy. Bul ózgeris Sı Szınpın 2023 jyldan keıin de el basqarýy múmkin ekenin kórsetedi.