Windows-qa arnalǵan Iandeks.Braýzerde Iandekste jasalǵan, daýysty túsinetin kómekshi – Alısa paıda boldy. Endi adamdar braýzerdegi jáne kompúterdegi kóp jumysty jyldamyraq atqara alady – daýystap tapsyrma berip, súıikti ánin qosa alady, aýa raıy boljamyn, jańalyqtar men valúta baǵamyn suraı alady, saıttar men programmalardy asha alady, kompúterdi sóndirip nemese qaıta qosa alady.

Iandeks.Braýzer daýysty uǵatyn kómekshisi bar alǵashqy braýzer atanyp otyr. Ázirshe bul – alǵashqy qadam ǵana, biraq qazirdiń ózinde kompútermen tiri adamdaı sóılesýge – áńgimelesýge nemese oǵan ótinish aıtýǵa bolady. Mysaly: «Alısa, beshbarmaqtyń reseptin aıtyp jibershi», «Sońǵy jabylǵan qosymsha betti ashshy» nemese «Dybysty óshirshi» dep tapsyrma berýge bolady. Alısa barlyq adammen, ásirese, balalarmen ońaı til tabysady: ol kóp oıyndy biledi jáne qalalardy ataýdan nemese sóz qurastyrýdan saıysqa túsýge daıyn.

 «Adamdar daýysty tehnologıalardy ártúrli jaǵdaıda qoldanady: daýystap aıtyp, júrý baǵytyn túzedi, bir jaqqa ketip bara jatyp, áldeneni izdeı salady, koll-ortalyq robottarymen sóılesedi. Daýyspen basqarý – adamnyń tehnıkamen qatynasynyń eń tabıǵı ári qarapaıym tásilderiniń biri, sondyqtan biz Alısany Iandeks servısterine qostyq. Ol qazir smartfonnan mıllıondaǵan adamǵa kómektesip otyr, endi kompúterge aýysady. Keleshekte ol túrli qurylǵydan adamnyń tolyqqandy ári jeke asıstenti bolýǵa talpynady», - deıdi desktopqa arnalǵan Iandeks.Braýzer jetekshisi Roman Ivanov.

Alısa qazir Windows-qa arnalǵan Braýzerdiń jańa nusqasynda. Onymen áńgimelesýge, al buǵan múmkindik joq kezde, jazbasha tildesýge bolady. Eger qoldanýshy daýysty túsinetin kómekshini múldem qajet etpese, ony braýzerdiń baptaýynan alyp tastaý ońaı.

Aıta keteıik, Alısa — neıron jelileri tehnologıasy negizinde jasalǵan, daýysty túsinetin aqyldy kómekshi. Alısa aıaqasty sheshim qabyldaı alady jáne ózine tán minezi bar. Ony iOS jáne Android qurylǵylarynda, sonymen birge Windows-qa arnalǵan Iandeks.Braýzerde qoldanýǵa bolady.