Búgingi tańda jer jahandy qatty alańdatqan ekstremızm jáne terorızmmen, jat pıǵyldy radıkalızmmen keıingi jyldary elimiz de betpe-bet kele bastady. Onyń basty sebebi – keıbir qoǵam músheleriniń qoljetimdi aqparattardy saraptaı bilmeýinde jatqany anyq. Óıtkeni, dinı jáne quqyqtyq turǵydan saýattylyǵy jetispegen adamnyń kez kelgen dinı bastamaǵa salystyrmaly kúıde qaraýǵa múmkinshiligi jetpeıdi. Osynyń saldarynan teris aǵymnyń jeteginde ketkenin bilmeıtin, óz ulttyq tabıǵatyna qarsy shyqqanyn sezinbeıtin, jalpymemlekettik qaǵıdattarǵa qaıshy keletinin uǵynbaıtyn bedeý oıly, jalpyadamzattyq ıgilikterdi moıyndamaıtyn alqa-qotan ári oqshaý azamattar men toptar paıda bolyp, qoǵamnyń berekesin qashyra bastaǵanyn baıqamaıdy.

Bul úshin qoǵamdyq deńgeıde profılaktıkalyq jumystar asa qajet. Osy oraıda, Almaty qalasy Din isteri jónindegi basqarmasynyń áleýmettik mańyzdy jobalary negizinde Ulttyq jýrnalısik zertteý ortalyǵy din salasyndaǵy ózekti máseleler týraly birneshe nomınasıalar boıynsha jýrnalıser arasynda úzdik materıaldarǵa baıqaý jarıalaıdy. Baıqaýǵa «Nur Otan» partıasy qoldaý tanytyp otyr.

Baıqaý merzimi 2018 jyldyń 1 sáýiri men 1 qazany aralyǵyn qamtıdy. Jeńimpazdardy marapattaý 18 qazan – QR Rýhanı kelisim kúni merekesi qarsańynda Almaty qalasynda ótedi.

Baıqaý júldesiniń jalpy qory – 1 000 000 teńge.

Baıqaýdyń maqsaty:

- Qazaqstan Respýblıkasy jurtshylyǵynyń nazaryn din salasyndaǵy memlekettik saıasattyń ózekti máselelerine aýdarý.

- Buqaralyq aqparat quraldary, ıaǵnı jýrnalıser arqyly turǵyndardy din salasyndaǵy memlekettik saıasattyń basymdyqtaryn nasıhattaý, qoǵamdaǵy konfesıaaralyq kelisimniń nyǵaıtylýy jáne saqtalýyna baǵyttalǵan mańyzdy is-sharalar jóninde habardar etý.

- Din salasyndaǵy ózekti máseleler boıynsha materıaldardy jarıalaıtyn BAQ men jýrnalıserdi qoldaý.

Baıqaý nomınasıalary:

Dinı ekstrmemızmniń aldyn alýǵa baılanysty baıqaý kelesi nomınasıalar boıynsha júrgiziledi:

- eń úzdik áleýmettik rolık

- eń úzdik televızıalyq baǵdarlama;

- eń úzdik radıobaǵdarlama;

- ınternet resýrstaǵy qazaq tilindegi eń úzdik maqala;

- ınternet resýrstaǵy orys tilindegi eń úzdik maqala;

- merzimdi basylymdardaǵy qazaq tilindegi eń úzdik maqala;

- merzimdi basylymdardaǵy orys tilindegi eń úzdik maqala;

- áleýmettik jelilerdegi eń belsendi qoljetimdi top;

- eń belsendi bloger.

Jeńimpazdardy barlyq nomınasıalar boıynsha baǵaly syılyqtarmen marapattaý, sonymen qatar 5 (bes) yntalandyrý syılyǵy;

Baıqaý sharttary:

Almaty qalasynda tirkelgen nemese tilshiler qosyny bar BAQ-taǵy kez kelgen jýrnalıs, sondaı-aq ǵalym, kósemsózger, qalamger qatysa alady. BAQ basshylyǵynyń ruqsaty talap etilmeıdi. Baıqaý eki tilde ótedi.

Baıqaýǵa 2018 jylǵy 1 sáýirinen bastap 1 qazan aralyǵynda jarıalanǵan materıaldar qabyldanady.

Basty qoıylatyn talap – Qazaqstannyń zaıyrly memlekettik qurylymyn qarapaıym ári uǵynyqty tilmen túsindirý, memlekettik saıasattyń zańnamalyq talaptaryn uǵyndyrý, din atyn jamylǵan ekstremıstik aǵymdardy áshkereleý, dástúr men dinniń ózara baılanysyn jetkizý, dinı ekstremızmniń aldyn alý, teris dinı toptardyń ıdeologıasy men olardyń zıandyǵyn ashyp kórsetý.

Qandaıda bir dinı ustanymdy nemese dindi nasıhattaýǵa baǵyttalǵan materıaldar qabyldanbaıdy.

Baıqaýǵa qatysýshylar Uıymdastyrý komıtetiniń uzhzo2005@mail.ru elektrondy poshtasyna (baılanys telefony: 87775654078) mynadaı materıaldardy jiberýi tıis:

1) Avtor týraly maǵlumat /týǵan jeri, kúni, aıy, jyly, telefon/;

2) Baıqaý materıaly jarıalanǵan BAQ-tyń pdf-nusqasy nemese skrınshoty, portal-saıttaǵy materıaldyń skrınshoty nemese elektrondy siltemesi (bar bolǵan jaǵdaıda), tele-radıo baǵdarlamalardyń mp4-nusqasy nemese elektrondy siltemesi (bar bolǵan jaǵdaıda);

3) Avtor ár nomınasıaǵa 1 nemese 2 materıal usyna alady;

4) Bir avtor birneshe nomınasıaǵa qatysa alady;

5) Barlyq materıalda baıqaýdyń qandaı nomınasıasyna usynylatyny týraly aqparat bolýy mindetti. Nomınasıasy kórsetilmegen materıal baıqaýǵa jiberilmeıdi. 

Baıqaý kezeńderi:

1. Baıqaýǵa qatysýshylardan materıaldardy qabyldaý (1 qazanǵa deıin);
2. Materıaldardy saraptaý jáne jeńimpazdardy anyqtaý (1-10 qazan aralyǵy);
3. Baıqaý jeńimpazdaryn saltanatty marapattaý (Rýhanı kelisim kúni qarsańy).

Baıqaý jeńimpazdaryn marapattaý:

Baıqaýdy uıymdastyrý komıteti júrgizip, jeńimpazdardy 5 nemese 7 adamnan turatyn qazylar alqasy tańdaıdy. Alqa baıqaý marapaty bastalǵansha qupıa túrde saqtalady. Baıqaýǵa usynylǵan materıaldar qaıtarylmaıdy. Baıqaý jeńimpazdary arnaıy nomınasıalar boıynsha taǵaıyndalǵan aqshalaı júldelermen jáne arnaıy dıplomdarmen marapattalady.