«Zımnáá vıshná» oıyn-saýda ortalyǵyndaǵy órt barysynda nemquraılylyǵy úshin órt sóndirýshiler bóliminiń komandırine qatysty qylmystyq is qozǵaldy. Bul týraly Reseı Tergeý komıtetiniń resmı ókili Svetlana Petrenko habarlaǵan.

Vedomstvoda kórsetilgendeı, №2 órt sóndirý bólimi qaraýylynyń bastyǵy Sergeı Genın tutanyp jatqan ǵımaratqa batys jaqtaǵy kire beris arqyly kirgen.

Saýda ortalyǵynda bolǵandardyń biri oǵan tórtinshi qabattaǵy adamy kóp №2 kınozaldy nusqap, kınoteatrǵa qaraı ótetin qysqa joldy da kórsetti

«Genın bul aqparatqa kóńil aýdarmady. Basqa jolmen ketti. Sóıtip ýaqyt joǵaltyp alǵa.. Onyń nemquraıly áreketiniń kesirinen tórtinshi qabattaǵy kınozalda bolǵan 37 adam mert boldy», - delingen Tergeý komıtetiniń aqparatynda.

Sergeı Genındi izdestirý sharalary júrip jatyr. Aldaǵy ýaqytta ol ustalyp, tergeletin bolady.

Eske sala keteıik, 2018 jyldyń 25 naýryzynda oıyn-saýda ortalyǵynda órt bolyp, sonyń saldarynan 64 adam ajal qushty. Onyń 41-i balalar.