Qazaqstandyq talapkerler Reseıdegi JOO-larǵa grantqa oqýǵa túse alady, dep habarlaıdy Qamshy.kz aqparat agenttigi.  Bul jaıynda Halyqaralyq baǵdarlamalar ortalyǵy AQ basshysy Altaı Nurmanov aıtty.

Halyqaralyq kelisim boıynsha, qazaqstandyq talapkerlerge 10 myń grant bólindi. Abıtýrıentter Reseıdiń 30 oqý ornynda bilim ala alady.  23 sáýir – 15 mamyr aralyǵynda  Astana, Almaty, Aqtaý, Jezqazǵan, Qyzylorda, Taraz jáne Shymkent qalalarynda búdjettik oryndarǵa oqýǵa túsý úshin emtıhan ótedi, - dep habarlady Altaı Nurmanov.

Sonymen qatar «Bolashaq» baǵdarlamasyna qujattardy qabyldaý bastaldy. «Bolashaq» baǵdarlamasy arqyly talapkerler Polsha, Malaızıa jáne t.b elderde bilim ala alady.

«Aǵymdaǵy jyly «Bolashaq» baǵdarlamasyna birneshe ózgeris endi. Óz betinshe sheteldik joǵarǵy oqý oryndaryna túsýshilerdiń dıplomdaǵy ortasha GPA baly 3 bolý kerek, - dedi Nurmanov.