Aıyptalýshylardyń ishinde 70 jastaǵy áje, 44 jastaǵy uly, kelini, qyzy jáne kúıeý balasy bar. Olardyń bári byltyr Túrkıa-Sırıa shekarasynda ustalǵan. Sot otyrysy Hýdjand qalasynda jabyq esik jaǵdaıynda seısenbi kúni bastalǵan.

Tergeý isindegi derekkóz málimetinshe, bir otbasynyń jeti birdeı múshesi sottalyp jatyr. Otbasynyń eki múshesi - biri kámelettik jasqa tolmaýynan, ekinshisi psıhıkalyq aýrýyna baılanysty sotqa tartylmaǵan.

«Bir otbasynda barlyǵy 29 adam bolǵan. Olar Sırıaǵa úsh shaǵyn avtobýspen barǵan. Eki avtobýs túrik-sırıa shekarasynan ótip ketken. 9 adamy bar úshinshi avtobýs ustalǵan. Olardy jyl basynda Tájikstanǵa qaıtarǵan»,- deıdi derekkóz.

Tájikstan bıligi ázirge aıyptalýshylardyń aty-jónin atamaıdy. Sot otyrysynyń alǵashqy kúni olar Sırıaǵa «jıhadqa» barmaq bolǵanyn moıyndaǵan. Olar týǵan jerinde bılik dinı quqyqtarynan aıyrdy degen. Bir áıel Isfar bazarynda mılısıa qyzmetkeri ózin hıdjab kıgeni úshin ustaǵanyn aıtqan.

Belgili bolǵandaı, byltyr naýryz aıynda barlyǵy 29 adam aldymen Qazaqstanǵa ketken, ol jerden Túrkıaǵa ushqan. Isfarda tek 70 jastaǵy ájeniń bir qyzy ǵana qalǵan.