«Reseı Sırıaǵa jiberilgen barlyq zymyrandardy qulatýǵa ýáde berdi. Daıyndal, Reseı, sebebi ol zymyrandar jańa, aqyldy, sapaly. Óz adamdaryn óltirip, sodan lázzat alatyn haıýanmen sanaspaýyń kerek».
Bul – Donald Tramptyń Tvıtterdegi paraqshasyna jazǵany.
AQSH prezıdenti Donald Tramp Tvıtterdegi paraqshasyna Reseıdi Sırıadaǵy jańa ári aqyldy zymyrandarmen qorqytyp jazǵan. Bul jazbaǵa álemniń nazary birden ilikti. Reseılikter ǵana emes, amerıkalyqtardyń ózi bulqan-talqany shyǵyp Trampqa qarsy túrli pikirler bildirdi. Bireýler prezıdentin kúlkige qaldyrsa, endi biri Aq úı basshysynan durys sheshim qabyldaýdy talap etti.
«Eger bul sizdiń qaljyń sózińiz bolmasa, 2020 jylǵy saılaýda bir daýystan aıyryldyńyz»
«Eksklúzıv! Donald Tramptyń rekordy!»
«Bireýińiz mynaǵan jórgek kıgizip, bir sabap alyńyzdarshy? Tynyshtalmaıtyn túri bar»
«Ol «eskertip» turǵan joq, josparymen bólisip otyr. Onyń tań qaldyrǵan elementi ne boldy?»
«Oǵan globýs pen oıynshyq soldattardy berý kerek. Sonda jospary iske asady»
«Kerek emes! Bul jaǵdaıda kimniń jeńiske jetetinin ózińizden surap kórińiz! Domıno, emes shahmat oınańyzdar!»
«Donald Tramp Aq úıde, 2018 jyl, prezıdent portreti»
«Mıllıondaǵan adamdy medısınalyq kómekten aıyratyn saıqymazaq aıtyp tur muny. Bul degen jappaı óltirý»
«Ótinemin, doǵaryńyz. Asad pen Sırıa óz azamattaryn gazben ýlaıtyn aqymaq emes. Bul – Izraıldiń qaskúnemdigi».
