Kazaq boksshysy Qanat Islam (25–0, 20 KO) kezekti jekpe-jegine jattyǵýyn jalǵastyryp jatyr, dep habarlaıdy Qamshy.kz aqparat agenttigi Sports.kz saıtyna silteme jasap.

«Qazaqtyń» bir jattyǵýynda ESNews telearnasynyń reporteri Elı Sekbah bolyp, otandasymyzǵa birneshe saýal qoıdy.

— Kanat, sen 25 jekpe-jektiń birde-birinde jeńilmegensiń be? Jaqsy rekord.

— Maǵan qarsylas taýyp berińdershi (jymıady).

— Djermellom Charlomen aıqasar ma ediń? «Kanelomen» she?

— Iá, qýana-qýana judyryqtasar edim (kúledi).

— Al GGG-men she?

— Ol 160 fýntta ǵoı.

— Taıaýda jekpe-jek ótkizesiń be?

— Iá.

Qanat Islam sońǵy ret rıngke Astanada byltyr qyrkúıekte shyqty. Ol kezde kanadalyq Brendon Kýkty tehnıkalyq nokaýtpen jeńgen. Qanattyń kelesi jekpe-jegi Las-Vegasta ótedi dep josparlanyp otyr. Ýaqyty men qarsylasy ázirge belgisiz.