Bul kúnde halyq emine júginetinderdiń qarasy qalyń. Almatyda 2017 jyldyń tamyzynda ashylǵan Qazaq-Med ortalyǵy ǵasyrlar boıy jınaqtalǵan dástúrli shıpagerlik ádisterin paıdalanady. Medısınadan dertine daýa tappaǵan naýqastar osy ortalyqqa kelip, qulan-taza aıyǵady.
Bir jyldyń ishinde ortalyqta 5000-nan astam adam emdelgen. Al operasıany qajet etetin 2000-nan asa naýqas shóp pen ottyń kómegimen táýir bolyp ketken. Prostatıt, belsizdik, bedeýlik, asqazan aýrýlary, búırek jáne ót joly aýrýlar júrek aýrýlary, qant dıabeti, gemmoroı, júıke aýrýlary sıaqty dert ataýlyny mamandar erekshe tásilmen emdep jazady.
Kúlpash Shańbaeva Almaty oblysy Eńbekshiqazaq aýdanynda muǵalim bolyp qyzmet etedi. "Aýrý aıtyp kelmeıdi" degendeı, birneshe aı buryn densaýlyǵy syr berip, júrip-turýy qıyndaǵan. Ekinshi dárejeli artroz dep dıagnoz qoıǵan dárigerler mardymdy eshteńe isteı almapty. Qarǵa adym jer muń bolyp, bir orynda otyryp qalǵan áıeldiń barmaǵan jeri, baspaǵan taýy qalmaǵan. Aqyry tanystarynyń usynysymen Qazaq-Med ortalyǵyna kelip, úzilgen úmitin jalǵady. Bilikti mamandardyń qaraýynda bir aı boıy emdelgen Kúlpash qazir óz aıaǵymen júrip-turady. Onyń aıtýynsha, hımıalyq dárilermen aǵzany ýlaǵannan góri halyq emi áldeqaıda tıimdi. Qaınatylǵan shóp-dári asqazan qyjylyn da boldyrmaıdy eken.
— Eki jyldan beri túrli shıpaly sý men demalys oryndaryna bardym, dáriler saldyrdym. Esh paıdasy tımedi. Qazaq Med ortalyǵyna kelgeli jaǵdaıym jaqsy. Jaz shyqsa taǵy em alsam deımin. Qazirdiń ózinde ortalyqtaǵy mamandarmen únemi habarlasyp, shóp-dárilerdi úzbeı iship turamyn, - deıdi Kúlpash Shańbaeva.
Shóp-dáriler ár naýqasqa jeke-jeke ázirlenedi. Sebebi ár adamnyń aǵzasy ártúrli. Shıpaly ósimdikterdi qaınatatyn arnaıy zerthana da bar. Zerthana mamandary taýyqtyń asqazanynan bastap, taýly aımaqtarda ósetin shópterdiń 100-ge tarta túrin kádege jaratady.
Arnaıy dári qaınatýmen aınalysatyn Nyǵmet Babaıuly Qytaıda halyq emi salasynda 30 jyl jumys istegen. Medısınalyq oqý ornyn támamdap, talaı shákirt tárbıelegen. Atajurtqa oralyp, bilim-biligin el ıgiligine paıdalanyp júrgen shıpager ár qazaqtyń densaýlyǵyna alańdaıtynyn aıtady.
— Al halyq emine senim artýshylar kóp. Eki aıdyń ishinde 600 adam kelip ketti. Emdelýshilerdiń arasynda qaıta kelip, shaǵym túsirgender bolǵan joq. Baǵasy da qoljetimdi, - deıdi Nyǵmet Babaıuly.
Zeınetkerlerge 20 paıyz jeńildik jasalǵan
Nyǵmet Babaıuly búginde jazylýy qıyn eki aýrýdyń shıpasyn tabý úshyn kún-tún demeı izdenip júrgenin aıtty.
— Qazir qant dıabeti men zobty emdeýdiń jolyn zerttep jatyrmyn. Bul eki aýrýdy tabıǵı shóppen emdeýdiń joly bolýy kerek, - deıdi dáriger.
Ortalyqta qaýipti aýrýlarǵa operasıasyz em-dom jasalady..
— Shóp-dári bir kúnde áser etpeıdi. Aǵzany tazalap, adamǵa áser etýine eń kemi bir apta ketedi. Shóp-dáriniń densaýlyqqa zıany joq , - deıdi ortalyq basshysy.
Ortalyq mamandary ıne salý, hıdjama, massaj jasaý, otpen órteý jáne ár adamynyń organızimine qaraı tabıǵı shóp-dárilerdi paıdalaný joldaryn qoldanady.
Medısınalyq ortalyqtyń basshylary Shymkent qalasynda fılıal ashýdy josparlap otyr.
