Almatydaǵy Abaı dańǵylyn uzartý jumystary 2019 jyly tolyq aıaqtalady.

Almatydaǵy Abaı dańǵylyn sozý jumystary 2019 jyly tolyq aıaqtalady. Bul týraly qalalyq jolaýshylar kóligi jáne avtomobıl joldary basqarmasynyń basshysy Maqsut Isahov málimdedi. Jalpy, dańǵyldy sozý jumystary úshke bólinipti. Qazir Naýryzbaı aýdanyndaǵy bir bóligi bitken. Onyń uzyndyǵy bir shaqyrymnan asady. Al ekinshi bóliginiń uzyndyǵy 2 shaqyrymǵa jýyq. Qurylys quny 8 mıllıard teńgeni qurap otyr. Al odan keıingi bóliktiń uzyndyǵy 1 km 250 metr. Onyń quny 2,5 mıllıard teńge. Jaýaptylardyń sózinshe, qurylys jumystaryna qosymsha qarjy kerek. 

«Qazirgi ýaqytqa 110 mıllıon teńge bólinip tur. Onyń jumysyn biz biraq jalǵastyryp jatyrmyz. Respýblıkalyq búdjetke qarjylandyrýǵa tapsyrys berip qoıǵanbyz. Búdjetten qarjylandyrý kerek. Tolyqqandy osy 2 ýchaskeniń bizdiń jobamyz boıynsha 2019 jyldyń jeltoqsan aıynda tapsyrýymyz kerek»,- dedi Almaty qalasy Jolaýshylar kóligi jáne avtomobıl joldary basqarmasynyń basshysy Maqsut Isahov.

Al Nazarbaev dańǵylyn Jansúgirov kóshesine qosý osy jyldyń qyrkúıek aıynda aıaqtalady. Bul jumystarǵa respýblıkalyq búdjetten 2 mıllıard teńge bólinipti. Al úılerdi satyp alýǵa 3,9 mıllıard teńge kerek eken. Eger qarjy beriletin bolsa, 177 úı súriledi.