«Jańa gýmanıtarlyq bilim. Qazaq tilindegi 100 jańa oqýlyq». Almatydaǵy belsendi jastardyń pikirinshe, bul stýdentter ǵana emes jalpy halyqtyń bilimin shyńdap qana qoımaı, qazaq tilin damyta túspek. Bıyl joba aıasynda álemdegi eń úzdik ýnıversıtetterde qoldanylatyn 30 qundy kitapty aýdarý kózdelip otyr. Al qalǵandary keler jyly, kezeń-kezeńmen tárjimalanady. Jańa oqýlyqtar kópshilikke kitap túrinde, elektrondyq onlaın nusqasynda jáne úzdik lektorlardyń ashyq dáristeriniń vıdeotekasy sıaqty úsh formatta qol jetimdi bolady. Qazaq jastary qazirdiń ózinde aýdarylǵan 18 kitapty oqýǵa erekshe qulshynyp otyr.

«100 oqýlyq» baǵdarlamasy boıynsha biz buryn tek aǵylshyn tilin bilsek, ne bolmasa, basqa álemdik tilderdi bilgen bolsaq, qazir qazaq tilinde ǵana oqı otyryp biz álemniń eń úzdik avtorlaryn, eń úzdik týyndylaryn bile alatyn bolamyz. Bul jastarǵa jańa serpin beredi jáne qazaq tilin odan ári dáriptep, úlken kómegin beredi degen oıdamyz», - dedi «Nur Otan» partıasy «Jas Otan» jastar qanatynyń belsendi múshesi Ábilqaıyr Qanalı.

«100 Jańa oqýlyq» atty baǵdarlamysynyń bizdiń jastarǵa bereri óte mol. Óıtkeni, elimizdiń bolashaǵy jastardyń qolynda bolǵandyqtan, jastarymyzdyń sapaly bilim alýy óte mańyzdy másele bolyp tabylmaq. Sondyqtan burynǵy osy ýaqytqa deıin álemdik avtorlardyń gýmanıtarlyq jáne ǵylymı baǵyttaǵy kitaptary solardyń tilderinde oqylǵan bolsa, al qazirgi tańda osy baǵdarlamanyń arqasynda ózimizdiń tilimizde, ıaǵnı qazaq tilinde oqylmaq», - dedi Almaty temirjol kóligi kolejiniń stýdenti Talshyn Beısenbek.

«Bul mega joba dep te aıtqym keledi, erekshe sátter dep te aıtqym keledi. Sebebi, bul árbir tildegi, mysaly - ıspan, fransýz, aǵylshyn tilderindegi álemdik brendke ilingen avtorlardyń kitaptary qazaq tilinde, ózimizdiń ana tilimizde aýdarylatyn boldy. Onyń ishinde aýdarylýy múmkin, mysaly, bizde Deıl Karnegıdiń, Robın Sharmanyń, eń basty Robert Kııosakıdiń kitaptary. Men ózim osy avtorlardyń kitaptaryn orys tilinde súıip oqyǵanmyn. Oqımyn da. A, endi qazaq tilinde oqý maǵan erekshe patrıottyq sezim alyp keledi», - dedi «Nur Otan» partıasynyń «Jas Otan» jastar qanatynyń belsendi múshesi Jasulan Meıirhanuly.

«Biz osy 100 jańa kitapty oqyp, qazaqtyń jastarynyń, stýdentteriniń bilimin jetildirýge tyrysamyz. Qazirgi tańda osy 100 kitaptyń 18-i aýdaryldy. Naqty aýdarylyp, bizdiń Qazaqstanǵa keldi. Biz sol 18 kitapty oqyp bilýge tyrysamyz», - dedi Orta Azıalyq tehnıka-ekonomıkalyq kolejiniń stýdenti Qanat Toqtarov.