Bıyl bakalavrıatqa 50 894 grant bólinse, magıstratýraǵa 13 myńnan astam grant qarastyrylǵan, dep habarlaıdy Qamshy.kz aqparat agenttigi.
— 2017 jyly sońǵy jyldarǵa qaraǵanda alǵash ret joǵary bilimi bar kadrlardy daıarlaýǵa arnalǵan granttar sany 10 myńǵa artty. QR Bilim jáne ǵylym mınıtsri aıtqandaı, bıyl memleket basshysynyń tapsyrmasymen kadrlardy daıarlaýǵa arnalǵan granttar sany taǵy 20 myńǵa artty. Sáıkesinshe aldaǵy oqý jylynda jalpy alǵanda 66 myńnan astam oryndy qurap otyr. Atap aıtsaq, bakalavrıatqa 50 894, magıstratýraǵa 13 220, doktorantýraǵa 2275 grant. Bul ótken jylǵa qaraǵanda bir jarym esege artyq", — dedi joǵary jáne joǵary oqý ornynan keıingi bilim departamenti dırektorynyń orynbasary Svetlana Ysmaǵulova.
