«Adal jol» sybaılas jemqorlyqqa qarsy marafony almatylyq jastardy jınady.
Parasyz bolashaq. «Adal jol» sybaılas jemqorlyqqa qarsy marafony myńdaǵan almatylyq jastardy jınady. Basty maqsat - qoǵam dertine aınalǵan jemqorlyqtan jırený. «Adal jol» kitaby qaladaǵy segiz aýdan boıynsha júrip ótti. Shara 8 aı kóleminde jalǵasyn taýyp, jeltoqsanda qorytyndylanady.
Almatylyqtar jemqorlyqqa qarsy. Uıymdastyrylǵan estafeta osyǵan dálel. Qalanyń segiz aýdanynda ótken shara myńdaǵan azamatty jınady. Medeý aýdanyn bastaý alǵan marafonǵa kelgen jastardyń qarasy kóp boldy. Jaýaptylar óskeleń urpaqty jastaıynan jemqorlyqqa jırene qaraýǵa úıretsek, qoǵam dertine aınalǵan keseldi túbimen joıýǵa bolatynyna senimdi.
«Marafon qalamyzdyń ár aýdanynda ótedi. Ár aıda ár aýdan osyndaı is-sharalar ótkizip, halyqty biriktirip, halyqqa túsindirip, estafetany kelesi aýdanǵa tapsyrady. Jáne osy aksıa, bul marafon segiz aı júredi bıyl», - dedi Almaty qalasy Memlekettik qyzmet isteri jáne sybaılas jemqorlyqqa qarsy is-qımyl departamentiniń basshysy Aıgúl Baıhanova.
Estafetany jetisýlyqtar qabyldap aldy. Konserttik baǵdarlama uıymdastyrylyp, jastar paraqorlyqqa degen óz kózqarastaryn bildirdi. «Adal jol» kitaby ár aýdan ókilderine tabystalyp jalǵasyn tapty.
El kóleminde uıymdastyrylǵan biregeı aksıa 9 jeltoqsanda qorytyndylanady. Al ázirge «Adal jol» kitabyna kez kelgen almatylyq óz usynystary men tilekterin qaldyra alady.
İs-sharanyń maqsaty – halyqtyń sybaılas jemqorlyqqa qarsy mádenıet deńgeıin qalyptastyrý, oblystyń barlyq óńirlerinde ótken «Adal jol – Chestnyı pýt» sybaılas jemqorlyqqa qarsy marafonynyń qorytyndylaryn shyǵarý. Marafonǵa qatysýshylar ózderiniń fotosýretteri men ıgi tilekterin estelik retinde qaldyrǵan Kitap marafonnyń ózindik sımvolyna aınaldy.
Atalmysh marafon maqsaty – qoǵamda sybaılas jemqorlyqqa qarsy mádenıetti qalyptastyrý jáne jahandyq jaǵdaıda elimizdi damyta túsý úshin jastardyń jiger, qýatyn biriktirý bolyp otyr.
Marafon sheńberinde oblysta leksıalar, pikirtalastar, dóńgelek ústelder, kezdesýler, konferensıalar, avtosherýler jáne ózge de sharalar ótpek. Ár aýdan jemqorlyqqa qarsy áreketter jasap, halyqty jemqorlyqqa qarsy turýda kúsh biriktirýge shaqyrmaq. Estafeta alaýy retinde onyń týy men ótkizilgen is-sharalar týraly aqparat pen tilekter jazylǵan kitap beriledi.
