Oǵyz Doǵan qazaq tilinde qyzmet kórsetýden bas tartqan Qazkom bankiniń bólimshesimen sottaspaq. Ol óziniń áleýmettik jelidegi paraqshasynda qoldanýshalardy Qazkom bankine shaǵym túsirýge shaqyrdy.
«Qurmetti aǵaıyn, sizderdi QAZKOM kompanıasynyń tegin 7111 nómirine qońyraý shalyp, 0-di basyp, Astana/Saryarqa fılıalynda búgin bolǵan oqıǵaǵa baılanysty shaǵym túsirýge shaqyramyn!!!
Bank qyzmetkerimen sóılesken kezde fılıal qyzmetkerleriniń qazaq tilinde qyzmet kórsetýden bas tartqanyn jáne klıentke dórekilik kórsetip mekemeden qýyp shyǵarǵanyn aıtýdy umytpańyzdar!..
Qazaq halqynan keshirim surasyn! Áıtpese Eır Astana sıaqty olardy da halqymnyń aldynda tize búktiremin!», dep jazdy Oǵyz Doǵan óziniń jeke paraqshasyna.
Eske sala keteıik, Oǵyz Doǵan Air Astana áýe kompanıasynyń qyzmetkerlerin qazaq tilinde sóılemegenderi úshin sotqa berip, sotta jeńip shyqqan bolatyn.
