Almatyda KamAZ ortalyǵy mańynda órt boldy, dep habarlaıdy Qamshy.kz aqparat agenttigi. Bul týraly Tengrinews.kz jazdy.
"Saǵat 06:06-da Almaty qalalyq TJD "101" púltine Jetisý aýdany Geologtar kóshesi №1 B mekenjaıynda ornalasqan dóner asqanasy órtenip jatyr degen habarlama kelgen. Órt sóndirýshiler oqıǵa ornyna saǵat 06.14-te jetti. Dóner asqanasynda shyqqan órttiń bir qabatty "Dostar" banket zalynyń shatyryn sharpyǵany anyqtaldy", - dep habarlady Almaty TJD resmı ókili Sandýǵash Baımuhambetova.
Órt saǵat 06.56-da toqtatylyp, saǵat 07.15-te sóndirildi. Órttiń aýmaǵy - 70 sharshy metr. TJD málimetinshe, qaza tapqandar men zardap shekkender joq.
