Ózderińizge jaqsy belgili, Elbasymyz Nursultan Nazarbaevtyń bıylǵy jyldyń 5 naýryzynda jarıa etken 5 áleýmettik basta­masy halqymyz úshin  asa mańyzdy bastama boldy. Ásirese, onda aıqyn kórsetilgen basym baǵyttar el turǵyndarynyń ál-aýqaty men turmys jaǵdaıyn jaqsartýǵa negizdelgen bolatyn. Búginde eldegi memlekettik mekemeler men oqý oryndarynda talqyǵa túsip jatqan «Prezıdenttiń bes áleýmettik bastamasy» halyqqa úndeýi  beısenbi kúni   «Ulttyq saraptama ortalyǵy» SHJQ RMK Almaty qalasy boıynsha fılıalynda «Nur Otan» partıasy Medeý aýdandyq fılıalynyń kezekten tys otyrysynda tóraǵanyń birinshi orynbasary M.Muqa­novanyń qatysýymen jınalys bolyp ótti.  Ol óziniń  kirispe sózinde  Prezıdent usynǵan  bes áleýmettik  bastama jóninde   jeke-jeke toqtaldy.

Jıynda Memlekettik qyzmet isteri jáne sybaılas jemqorlyqqa qarsy  is-qımyl agent­tigi  basqarmasynyń  bas mamany  E.Qoılybaev  búgingi tańda  beleń alyp otyrǵan sybaılas jemqorlyqtyń aldyn alý jóninde baıandama jasap, soǵan oraı beınebaıan kórsetti. Sodan keıin sóz alǵan Qazaqstan turǵyn úı  jınaq bankiniń  keńesshisi Z.Boıaýbaeva men  Bıznesti damytý basqarmasynyń bas mamany  R.Ramaza­nov «Turǵyn úı jınaq bankisi» arqyly  júzege asatyn «7-20-25» baǵdarlamasy  jastar úshin de,  jas otbasylary úshin de,  úısiz júrgen jandar úshin de  sheshimin tapqan  bastama ekenin tilge tıek etti. Aıta ketetin jaıt,  bankterde aqsha aınalymy joǵarylap, isterine jan bitetini belgili. Óıtkeni  baǵdarlamadaǵy tómengi paıyzben uzaq ýaqyt tólem tóleý  halyqtyń  turǵyn úıge degen suranysyn arttyrady.

Osy rette, «Nur Otan» partıasy Medeý aýdandyq fılıaly  tóraǵasynyń birinshi orynbasary M.Serikqyzy Elbasynyń «Jalaqysy tómen  jumysshylardyń eńbekaqysyn kóbeıtý úshin olardyń  salyq júktemesin azaıtý»  bastamasy boıynsha aıtyp ótti. Sondaı-aq, MSQ Almaty qalalyq fılıaly  halyqty aqparattandyrý  bóliminiń bas sarapshysy  T.Pernebaev   mindetti medısınalyq saqtandyrý týraly  jan-jaqty  túsindirdi. Aıta ketetini, Prezıdenttiń bul bes áleýmettik bastamasynyń atalǵan baǵyttary  elimizdiń  birligi jarasqan memleket bolýǵa degen  umtylysy ekenin bildiredi.

Jıyndy «Ulttyq saraptama ortalyǵy» SHJQ RMK Almaty qalasy boıynsha fılıaly dırektorynyń orynbasary, «Nur Otan» partıasy bastaýysh uıymynyń  tóraǵasy J.Sandyqbaev júrgizip otyrdy. Al bul is-sharaǵa bólim basshylary, zerthana meńgerýshileri, aýdandyq bólimshe basshylary men mamandary  (barlyǵy 40 maman) qatysyp, zaldaǵy led-ekrannan «Nur Otan» partıa­synyń emblemasy men  Prezıdenttiń  bes áleýmettik bastamasy  týraly  úndeýdiń  jazbalary  kórsetilip turdy.

Almaty aqshamy