Óziniń 85 jyldyq mereı­toıyn atap ótip otyrǵan óner­diń qara shańyraǵy T.Júrgenov atyndaǵy Qazaq Ulttyq Óner akade­mıasynda Elbasy N.Na­zar­baevtyń «Bolashaqqa baǵdar: rýhanı jańǵyrý» baǵdarlamasy aıasynda, Qazaqstan Respýblı­kasy Bilim jáne ǵylym  mınıstr­liginiń jáne Almaty qalalyq «Rýhanı jańǵyrý» jobalaý keńsesiniń josparyna  sáıkes,  Almaty qalasy Bilim  basqarma­synyń memlekettik tapsyrysy boıyn­sha, T.Júrgenov atyndaǵy Qazaq Ulttyq Óner akademıa­synyń tikeleı qoldaýymen 14–17 jastaǵy oqýshylar arasynda «Qazaqstan balalary sheksiz álemde!»  atty İİ qalalyq  kıno­fes­tıval ótti. İs-sharany  Al­maty qalasynyń №7 Oqýshylar úıi uıymdastyryp ótkizdi.

Kınoındýstrıa salasyndaǵy jas talanttardy anyqtaý, olarǵa kásibı baǵyt-baǵdar berý jáne qoldaý, jeńimpazdardy kıno­festıváldiń İİ respýb­lıkalyq týryna qatystyrý maqsatynda ótkizilgen sharaǵa          «Derekti fı­lm», «Oıyndy  kıno», «STOP-MOTİON», «Áleý­mettik jarnama, áleýmet­tik rolık», «Anımasıa», «Vıdeo-art», «Mýzykalyq  fılm» atalymdary  boıynsha 43 oqý­shynyń kınotýyndysy qatysty.

Kınofestıvalǵa qatysýshy jas talanttarǵa T.Júrgenov atyndaǵy Qazaq Ulttyq Óner akademıasynyń rektory, Qa­zaqstan Respýblıkasynyń eńbek sińirgen qaıratkeri,  profesor Bıbigúl Núsipjanova, kınore­jısser Satybaldy Narymbetov, Qazaqstan Respýblıkasynyń Halyq ártisi  Nurǵalı Núsip­janov, qalalyq Bilim basqar­masy, «Rýhanı adamgershilik tárbıe jáne ózin-ózi taný»  bóliminiń basshysy Nurgúl Taýqyzy, Teatr óneri  fakýl­tetiniń aǵa oqytýshysy Eslam Nurtazın, kıno jáne teatr akteri  Asylhan Tólepov, №7 Oqýshylar úıiniń dırektory, kınofes­tıvaldiń uıymdas­tyrýshysy Aınur Daýlbaeva jas talant­tardyń  kıno óneri jolyndaǵy shyǵarmashylyq  qadamdaryna  sáttilik tiledi. Halyqaralyq baıqaýlardyń jeńimpazy, №7 Oqýshylar úıiniń «Kerim-aı» sán teatry «AMANAT»  koleksıa­syn kórsetip, úmitkerlerge qanat bitirgendeı kóńil-kúı syılady. Saltanatty bólimnen soń, barlyq qatysý­shylar, olardyń jetek­shileri, ata-analar men kórer­mender Óner akademıa­synyń kınoza­lynan úmitker­lerdiń usynǵan týyndylaryn tamashalady. Bul árbir úmitker, jas kınogerler úshin sheberlik sabaǵy boldy. Keshke deıin sozylǵan kórsetilimnen soń, barlyq qatysýshylar bir-birine degen jyly lebizderin bildirip tarqasty.

Júldeli orynnan úmitker eń úzdik týyndylarǵa  ádilqazylar alqasynyń  tóraǵasy: Qazaqstan Respýblıkasynyń eńbek sińirgen qaıratkeri, T.Júrgenov atyn­daǵy Qazaq Ulttyq Óner aka­de­mıasy  Kıno jáne TV   faký­l­tetiniń profesory D.Mana­baı, alqa músheleri: Kıno jáne TV fakúltetiniń dekany G.Mur­salımova, pro­fessor,  kıno­rejıser B.Omar, aǵa oqytýshy M.Bekqojın,  aǵa oqy­týshy E.Pshenaeva syndy  ádilqazylar quramy  tórelik  jasady.

Kınofestıvaldiń ekinshi kúnindegi jeńimpazdardy mara­pattaý rásimine jıylǵan jurt­tyń qarasy kóp boldy.

Eki  kúnge sozylǵan festı­valdiń nátıjesi  boıynsha  kıno áleminiń  jas jeńim­paz­dary anyqtaldy:

* «Derekti kıno» atalymynyń jeńimpazy – Ádil  Sultanbek, «Beıbit kúnniń batyry»  atty týyndysymen  (Alataý aýdany, №152 mektep-gımnazıa oqýshy­sy);

*  «Oıyndy kıno» atalymy­nyń jeńimpazy  – Dıana Seı­dal­hanova, «Ana»  týyndysymen (Túrksib aýdany, №84 mektep oqýshysy);

* «STOP-MOTİON» atalymy­nyń jeńimpazy – Abdývalıeva Dılnaz, «Ýaqyt» atty týyn­dysymen (Túrksib aýdany, №84 mektep oqýshysy);

* «Áleýmettik jarnama, áleýmettik rolık» atalymynyń jeńimpazy – Melisuly Tamerlan,  «Otbasym» atty  týyndysymen (Almaly aýdany, №4 Oqýshylar úıi);

* «Anımasıa» atalymynyń jeńimpazy –  Ahatqyzy Kamılla,  «Monı men Tomı» atty týyn­dysymen  (Túrksib aýdany, №84 mektep oqýshysy);

*  «Vıdeo-art» atalymynyń jeńimpazy –  Amandyq Aıaýlym,  «Ǵajaıyp sý» kıno týyndysymen (Túrksib aýdany, №84 mektep oqýshysy);

* «Mýzykalyq  fılm» ataly­mynyń jeńimpazy – Turdyǵazy Ulan, «Meıirim syıla»  atty týyndysymen (Túrksib aýdany, №84 mektep oqýshysy);

* «Úzdik oıyndy kıno» ata­lymyn  – Iarovısyn Gleb jáne  Kıstanov Kırılldiń «Vyhod» atty  týyndylary  ıelendi (Or­ta Azıalyq tehnıko – ekono­mıkalyq kolejiniń 1-kýrs stýdentteri).

Óner ordasynyń kıeli sahnasynda óner  qaıratker­leriniń qolynan  madaqtamalar men «Jas Sháken juldyzdary» kádesyıyn alǵanda  bala qýany­shynan asqan  baqyttyń joq ekendigine kóz jetkizdik. Jeńimpaz jas órenderge kásibı baǵyt-baǵdar berip, qanattan­dyrǵan, bar bilimin shákirt boıynan izdeıtin Asel Rahım­baeva, Abaı Dýlatbekov, Rahym­jan Qaldykóz syndy  jetek­shilerdiń eńbekteri janyp, baptap báıgege qosqan shákirt­teri óte jaqsy kórsetkish pen nátıjelerge qol jetkizdi. Barlyq úmitkerler men olardyń jetekshileri Almaty qalalyq Bilim basqarmasynyń arnaıy maqtaý jáne Alǵys hattarmen marapattaldy.

«Júzden – júırik, myńnan – tulpar» atanǵan  eń úzdik týyndylar  aǵymdaǵy jyldyń 27-28 qazan aıynda Atyraý qalasynda ótetin  İİ respýblı­kalyq  kınofestıvalǵa joldama aldy. Osylaısha úrdiske aınala bastaǵan kınofestıval óz máresine jetti. Qazaq kıno­synyń tarıhyn jasap, dáýirin qalyp­tastyryp ketken aǵa urpaqtyń salyp ketken sara jolynyń dańǵyl ekendigine osynaý baıqaý taǵy da bir sát kóz jetkizgendeı boldy.

Raıa Eskendir

Almaty aqshamy