Qazaqstan Respýblıkasy Pre­zıdenti N.Á.Nazarbaevtyń «Tórtinshi ónerkásiptik revolúsıa jaǵ­daıyndaǵy damýdyń jańa múm­kindikteri» atty halyqqa Joldaýyn júzege asyrý aıasynda Kók bazardyń aldyndaǵy alańda Medeý aýdany ákiminiń kezekti kóshpeli qoǵamdyq qabyldaýy ótti. İs-sharaǵa Medeý aýdanynyń ákimi E.Jyl­qybaev, qalalyq basqar­malar qurylymdarynyń ókilderi, aýdan prokýrory, aýdandyq jer­gilikti polısıa, tótenshe jaǵdaılar, tutynýshylardyń quqyqtaryn qorǵaý, jumyspen qamtý áleýmettik baǵdarlamalar, bilim bólimderiniń basshylary, kásipkerler palatasy, «Damý» qory ókilderi jáne taǵy basqa aýdandyq qurylymdardyń ókilderi qatysty.

İs-sharanyń maqsaty – bılik pen halyq arasyndaǵy baılanysty nyǵaıtý, tur­ǵyndar arasynda kúndelikti sheshimin tappaı júrgen túıtkildi máselelerdiń oń sheshimin tabý, keńester berý, aqparat­tandyrý boldy.

Kóshpeli qabyldaý aýdan ákimi apparatynyń bastamasymen 2017 jyldan beri ótkizilip keledi.

– Biz árdaıym ashyq ári qoljetimdimiz. Iaǵnı halyq arasyndamyz. Memleket basshysy aıtqandaı, keńsede otyrýǵa bolmaıdy. Adamdar ózderine kómektesetin laýazym ıelerin izdep keńselerge barýǵa tıis emes. Biz árdaıym kezdesýler uıymdastyryp otyramyz. Ondaı jıyndarda turǵyndar suraq qoıyp, kókeıge qonymdy jaýabyn alyp qaıtýlary kerek. Eger mundaı kezdesýlerde keı máseleler sheshilmeı jatsa, biz jaýapty bólim mamandarymen birge ony belgilep alamyz. Bári retteledi, – dedi aýdan ákimi Erjan Jylqybaev.

Aýdanda aldaǵy ýaqytta mundaı kóshpeli qabyldaý «Alataý», «Dýman» yqshamaýdandarynda, Oqýshylar saraıy­nyń aldyndaǵy alańda ótkiziletin bolady. Turǵyndar aldyn-ala aqparattanyrylady.

Qabyldaýǵa Medeý aýdany ákimi, qalalyq Maslıhat depýtaty, QR Bas prokýratýrasy quqyqtyq statısıka jáne arnaıy esepke alý jónindegi komıtetiniń Almaty qalasy boıynsha basqarmanyń basshysy, aýdan prokýrory, Almaty qalasy memlekettik sáýlet-qurylys baqylaý basqarmasynyń basshysy, Almaty qalasy turǵyn úı jáne turǵyn úı ınspeksıasy basqarmasynyń basshysy, Almaty qalasy qurylys basqarmasy basshynyń orynbasary, Almaty qalasy jerdiń paıdalanýy men qorǵalýyn baqylaý basqarmasynyń basshysy, aýdandyq jergilikti polısıa, tótenshe jaǵdaılar, tutynýshylardyń quqyqtaryn qorǵaý, jumyspen qamtý áleýmettik baǵdarlamalar, bilim bólimderiniń basshylary, kásipkerler palatasy, «Damý» qory ókilderi jáne t.b aýdandyq qurylymdar, 100 den asa aýdan turǵyny qatysty.

– Buǵan deıin bul shara «Kók bazar» janynda 2 ret jáne  Shýhov kóshesi boıyndaǵy №2 qalalyq emhana, Almaty qalasynyń Oqýshylar saraıy janynda jáne «Dýman» yqsham aýdanynda uıymdastyrylyp, nátıjesinde 700-ge jýyq turǵynnyń aryz-shaǵymy qaralǵan bolatyn. Kóterilgen suraqtardyń 80% astamy komýnaldyq turǵyn úı sharýashylyǵy, 20% áleýmettik máselelerge baılanysty. Olardyń 65% túsindirilip, 35% oń sheshimin tapty, - deıdi sharany uıymdastyrǵan ákimdiktiń qzmetkerleri.