N.Tilendıev memorıaldy mura­jaıynda adamgershilik, meıirim, izgilik, qamqorlyq tárizdi asyl qasıetterdi jas urpaqtyń boıyna darytý maqsatynda «Júrekten júrekke» aksıasy uıymdasty­ryldy. Múmkindigi shekteýli azamat­tarǵa qoldaý jasaý baǵytyndaǵy sharapaty mol shara olarǵa mate­rıaldyq kómek kórsetýge eriktiler men mesenattar, memlekettik emes uıymdardy tarta otyryp, qoǵam­nyń nazaryn aýdartý muratyn kózdeıdi.

Qazirgi tańda Almaty qalasy ákim­diginiń qoldaýymen birqatar áleýmettik jobalar qolǵa alynyp jatqandyǵy kóńil­ge qýanysh uıalatady. Mysaly, Almaty murajaıynyń bastamasymen 2017 jyly úlken áleýmettik joba qolǵa alynyp, júzege asyrylyp jatyr. Qazirgi tańda qalamyzdaǵy murajaılarda joǵary deńgeıde iske asyrylyp jatqan «Qol­jetimdi mýzeı» jobasy jurtshylyqtyń kóńilinen shyǵyp, qoǵamda qyzý qoldaý tabýda.

Árbir azamat qoǵamda teń quqyly ómir súrýge laıyqty ekendigi týraly Qazaqstan Respýblıkasynyń Ata zańynda kórse­tilgen. Adam ómirde eń aldymen aqyl-parasatyna qaraı baǵa­lanýy qajet. Kez-kelgen adam qandaı jaǵdaıdy basynan ótkerse de, qoǵamda, jalpy, kez-kelgen ortada ózin emin-erkin ustap, óz-ózinen esh qym­synbaýy kerek. Sondyqtan da qoǵam­dyq oryn­darda, teatrlarda, meıram­hana­larda, oıyn-saýyq oryn­darynda erkin sezinýlerine múmkindik týǵyzýymyz qajet.

N.Tilendıevtiń memorıaldyq mura­jaıynda kelgen qonaqtarǵa barlyq jaǵdaı jasalǵan. Búgingi tańda atalǵan murajaı qalamyzdaǵy birqatar áleýmettik úıler­men, balalar úıimen tyǵyz baılanysta jumys isteıdi.  Múmkindigi shekteýli aza­mattarǵa qoldaý kórsetip, olardyń jan jarasyn jazýǵa tyrysý – azamattyq bory­shymyz.

«Júrekten júrekke» atty qaıy­rym­dylyq sharasy aıasynda múmkindigi shek­teýli jandar N.Tilendıev memorıal­dy murajaıyn aralap, arnaıy konserttik baǵdarlamany tamashalaı alady. Olarǵa qamqorlyq jasaý maqsatynda ár aı saıyn ótkiziletin bul izgi sharanyń aıasy keńeıip, bolashaqta eriktiler, mesenattar men kásipkerler tarapynan qyzý qoldaý tabady degen úmittemiz. «Jumyla kótergen júk jeńil» degen dana halqymyz. Qoly­myzdan kelgenshe qamqorlyq qanatyna alyp, janymyzdaǵylarǵa járdemdesý, ıgi isimiz­ben, meıirimimizben júrekterdi jy­lytý – bizdiń azamattyq  paryzy­myz.

Sharanyń maqsaty – oblysymyzǵa  qarasty shalǵaı aýdan, qalalardaǵy múmkindigi shekteýli jastardyń shyǵarmashylyq deńgeıin  damytýǵa barynsha qoldaý kórsetý, olardyń erekshe qabiletterin kópshilikke tanystyrý. Úmitkerler 5 kezeń boıynsha ózara synǵa tústi.  Eń áýeli  sporttyq sharada belsendilikterimen kózge tússe, keıingi bólimderde qolóner buıymdaryn jasaý, sýret salý,  bı bılep, án shyrqaý syndy shyǵarmashylyq qyrlaryn tanytty.