T.Q. Júrgenov atyndaǵy Qazaq ulttyq óner akademıasy «Kıno jáne TV» fakúlteti, «Ónertaný» fakúlteti, «Kıno tarıhy men teorıasy» kafedrasynyń uıymdastyrýymen 2018 jyldyń 30-sáýirinde saǵat 10:00-de kınotanýshy, pedagog, Qazaqstandaǵy kásibı kınotanýdyń negizin qalaýshy, ónertaný kandıdaty, profesor, Qazaqstannyń eńbek sińirgen qaıratkeri, «Qurmet» ordeniniń ıegeri Baýyrjan Ramazanuly Nógerbektiń týǵanyna 70 jyl tolýyna arnalǵan «RÝHANI JAŃǴYRÝ KONTEKSTİNDEGİ ZAMANAÝI KINO ÓNERİ» halyqaralyq ǵylymı-praktıkalyq konferensıasy ótedi, dep habarlaıdy Qamshy.kz aqparat agenttigi.
Atalmysh jıynda kınotanýshy B.R.Nógerbektiń osydan 25 jyl buryn alǵash kınotanýshylar sheberhanasyn qabyldaǵan dárisqanaǵa B.R.Nógerbek esimi berilip, ornatylǵan memorıaldyq taqtanyń saltanatty ashylý rásimi ótip, B.R.Nógerbek atyndaǵy shákirtaqy taǵaıyndalady.
Konferensıa aıasynda kelesi master-klasstar ótedi:
28.04.2018 j. saǵ. 11:00 – Tolomýshova G. «Chıngız Aıtmatov ı kıno: k voprosý fenomena ekranızasıı klasıka» («Shyńǵys Aıtmatov jáne kıno: klasık shyǵarmalaryn ekrandaý fenomeni»).
30.04.2018 j. saǵ. 14:00 – Razlogov K.E. «Mnojestvennaıa ıdentıchnostv medıaprostranstve» («Medıakeńistiktegi kópshilik sáıkestigi»).
30.04.2018 j. saǵ. 15:30 – Fomın V.I. «Spesıfıka sovremennogo arhıvnogo kınovedenıa» («Zamanaýı muraǵattyq kınotanýdyń erekshelikteri»).
Sondaı-aq, 28 sáýir kúni saǵat 14:00-de T.Q. Júrgenov atyndaǵy QazUÓA «Kınoman» kınoklýbynyń uıymdastyrýymen A. Ámirqulov «Qosh bol, Gúlsary!» fılminiń kórsetilimi jáne tarıh ǵylymdarynyń kandıdaty BMKI-nyń kıno óneri ǴZI jetekshi ǵylymı qyzmetkeri Kocheláeva N.A. jetekshiligimen talqylaý ótedi.
Plenarlyq májiliste:
Núsipjanova B.N. – pedagogıka ǵylymdarynyń kandıdaty, profesor, T.Q. Júrgenov atyndaǵy QazUÓA rektory (Almaty, Qazaqstan);
Razlogov K.E. – ónertaný doktory, profesor, Jańa mádenıettaný ınstıtýtynyń dırektory (Máskeý, Reseı Federasıasy);
Fomın V.I. – ónertaný doktory, profesor, BMKI-nyń kıno óneri ǴZI jetekshi ǵylymı qyzmetkeri (Máskeý, Reseı Federasıasy);
Táýekel S. – prodússer, kınorejısser, QazUÓÝ profesory (Astana, Qazaqstan);
Tolomýshova G. – kınotanýshy, FIPRESCI múshesi, NETPAC múshesi (Bishkek, Qyrǵyzstan);
Kocheláeva N.A. – tarıh ǵylymdarynyń kandıdaty BMKI-nyń kıno óneri ǴZI jetekshi ǵylymı qyzmetkeri (Máskeý, Reseı Federasıasy);
Muqysheva N.R. – ónertaný kandıdaty, QazUÓÝ profesory (Astana, Qazaqstan) kınotanýshy B.R. Nógerbektiń shyǵarmashylyǵy týrasynda jáne onyń qazaq kınotaný ǵylymynyń damýyna, kásibı qazaq kınotaný mektebiniń irgetasynyń qalanýyna qosqan orasan úlesi týrasynda jáne zamanýı kıno óneriniń ózekti máseleleri tóńireginde sóz órbitedi.
