Jalpyqalalyq senbilik aıasynda Almaly aýdanynda ornalasqan joǵary oqý orny jáne kolej stýdentteri «Instagramm» áleýmettik jelisinde ashylǵan Almaly aýdany jastary paraqshasy arqyly «Taza qala» aksıasyn ótkizip, senbilikke shaqyrdy. Jalpy, Almaly aýdanynda 65 myńnan astam stýdent oqıtyn 16 JOO jáne 20 orta arnaýly oqý orny ornalasqan.
Sondaı-aq, senbilik barysynda «Amangeldi» saıabaǵynda Almaly aýdanynyń ákimi J.Estenov bastaǵan apparat qyzmetkerleri, aýdan ardagerleri jáne jergilikti turǵyndardyń qatysýymen aǵash otyrǵyzylyp, kóriktendirý jumystary júrgizildi.
Aýdan aýmaǵynda senbilik jumystary 30 shaǵyn ýchastokter boıynsha júrgizildi. Jalpy, senbilikke 37 myńnan astam adam qatysty. Aýdan boıynsha senbilik kezinde 105 tehnıka jumyldyrylyp, 780 m3 qoqys shyǵaryldy.
Qoǵamdyq jáne jastar uıymdary, mektepter, aýrýhanalar, balabaqshalar, PIK-ter, joǵary jáne arnaıy orta bilim berý mekemeleriniń stýdentteri, áleýmettik mekemeler jáne turǵyndar aýdan boıynsha senbilikti joǵary deńgeıde ótkizýge óz úlesterin qosty. Jalpyqalalyq senbilik ótkizý barysynda kósheler, aýlalar, jalpy qoldanystaǵy oryndar, aryq júıeleri, bos oryndar, jasyl jelekter, ózen arnalary men sý qoımalarynyń jaǵalary tazalandy.
Atalǵan aksıanyń maqsaty - sanıtarlyq normalar men abattandyrý erejeleriniń buzylýyn anyqtaý jáne onyń aldyn alý. Aksıanyń maqsaty – balalardy qorshaǵan ortany qorǵaýǵa, tabıǵatty aıalaýǵa shaqyrý. Sondaı-aq, tárbılenýshi balalar arasynda qamqorlyq, baýyrmashyldyq qasıetterdi ornatyp, eńbeksúıgishtikke baýlý. Barlyq qyzmetter men vedomstvolardyń qyzmetin úılestirip, kelip túsken málimetterdi jınaýmen aınalysatyn jumys toby quryldy.
