Astana medısınalyq ýnıversıtetiniń rektory Májıt Shaıdarov IELTS sertıfıkattaryna baılanysty týǵan daýǵa qatysty túsinikteme berdi.

«Joǵarǵy oqý ornynan keıingi bilim berý dekanymen kelisimshartymyz dereý toqtatylady. Al bul iske qatysy dekan orynbasary men bas maman óz erkilerimen shyqty», - dedi Shaıdarov.

Sonymen qatar rektordyń aıtýynsha, oqýdan shyǵarylǵan stýdentter ýnıversıtetke qaıta tapsyra alady, alaıda aqyly bólimge.

Qazaqstan Respýblıkasy Densaýlyq saqtaý mınıstrliginiń Ǵylym jáne adam resýrstary departamentiniń dırektory Aıgúl Qaptaǵaeva atalmysh oqıǵany tek ýnıversıtet úshin ǵana emes, barlyq oqý ornyna sabaq bolǵanyn eskertti.

«2017 jyly tamyz ben qyrkúıekte tekseris boldy. Bul faktiler anyqtalǵanda biz ózimizdiń vedimistik uıymdarymyzǵa habar bergenbiz. Barlyq sertıfıkattar tekserildi. Al jalǵan sertıfıkattar fakti Astanadaǵy medısınalyq ýnıversıtette ǵana anyqtaldy. Menińshe, dıplomdardy tekserý sharalary bolmaıdy. Ókinishke qaraı, bul úlken materıaldyq, moraldyq shyǵyn ákeledi, onyń ústine tek ýnıversıtet emes, búkil salanyń bedeline nuqsan keltiredi. Bul oqıǵanyń salqyny jalpy salaǵa tıip ketýi ábden múmkin. Mundaı jaǵdaılar qaıtalanbas úshin túrli sharalar qoldanylatyn bolady», - dedi Aıgúl Qaptaǵaeva,

Esterińizge sala keteıik, byltyr kúzde emtıhandy óz kúshimen tapsyrǵandar aryzdanyp, bul is boıynsha tekseris júrgizilgen edi. Sonyń nátıjesinde aǵylshyn tili emtıhany boıynsha 117 tirkelmegen sertıfıkat anyqtaldy. Magıstratýra nemese doktorantýraǵa túsemin degenderge IELTS sertıfıkaty emtıhan kezinde basymdyq beredi. Sol sebepti bolar, byltyr kóp adam bul qujatty satyp alyp, jarasyn jeńildetkisi keldi. Alaıda barlyq synaqtan óz kúshimen ótkender qalyptasqan jaǵdaımen kelispedi. Stýdentter bul máselege qoǵam nazaryn barynsha aýdarýǵa tyrysty. Nátıjesinde Bilim jáne ǵylym mınıstrligi tekseris júrgizip, bazada tirkelmegen 117 sertıfıkat bar ekendigin anyqtady.