Nurgúl Maýberlınova aqparat jáne komýnıkasıalar vıse-mınıstri bolyp taǵaıyndaldy, dep habarlaıdy Qamshy.kz aqparat agenttigi premer-mınıstrdiń saıtyna silteme jasap.

Nurgúl Maýberlınova 1973 jyldyń qarashasynda Qaraǵandy oblysynda dúnıege kelgen. E. Býketov atyndaǵy Qaraǵandy memlekettik ýnıversıtetin jáne Qaztutynýodaǵy ekonomıkalyq ýnıversıtetin támamdaǵan.

Eńbek jolyn 1992 jyly bastaǵan. Ár jyldary memlekettik organdar men komersıalyq sektorda jumys istegen.

2006-2008 jyldary – QR Mádenıet jáne aqparat mınıstrligi Aqparat jáne muraǵat komıtetinde bas maman, bas sarapshy.

2008-2012 jyldary – QR Premer-mınıstri keńsesiniń Aqparat-saraptama ortalyǵynda bas keńesshi.

2012-2016 jyldary – QR prezıdenti janyndaǵy «Ortalyq komýnıkasıalar qyzmeti» dırektorynyń orynbasary, Parlament Májilisi tóraǵasynyń keńesshisi.

2016 jyldyń maýsymynan osy ýaqytqa deıin QR Mádenıet jáne aqparat mınıstrligi Aqparat komıtetiniń tóraıymy boldy.