«Challenge Street Workout KZ» baıqaýyna qatysý úshin eń kúshti ótinim Ulttyq qurama komandalary men sport rezervi dıreksıasynan keldi. 80-nen astam sportshy Mádenıet jáne sport mınıstri Arystanbek Muhamedıulynyń bastamasyn qoldady. Elordada búkil Qazaqstandyq tanymal sportshylar jınalyp, baıqaýǵa óz erekshelikterin kórsetti. Bul joly jobaǵa qyzdar da belsendilik tanytyp, qazaqstandyqtardy buqaralyq sportqa shaqyrdy.

Ulttyq komandalar men sport rezervteri dıreksıasynyń dırektory Samat Erǵalıev Beıjińdegi jazǵy Olımpıada oıyndarynyń qola júldegeri, Taekvondo federasıasynyń vıse-prezıdenti Arman Chılmanovtan joldamany qabyldady.

«Mádenıet jáne sport mınıstri Arystanbek Muhamedıulynyń bastamasymen bastalǵan atalmysh baıqaý – búkil el úshin úlken mańyzy bar, árbir qazaqstandyq sportpen shuǵyldanýǵa tıis jáne bul halyqty salaýatty ómir saltyna úıretýdi qajet etetin shara. Bizdiń basqarma barlyq sportshylardy biriktirip, sportpen shuǵyldanýdy qalaı jaqsy kóretinimizdi kórsetip, Biz barlyq otandastarymyzdy osy sport túrinde ózderiniń qabiletterin kórsetýge shaqyramyz», - dedi Samat Erǵalıev.

Búgingi kúni «Astana-Arena» stadıonyndaǵy «Street Workout» baıqaýyna kelip túsken eń kóp qatysýshy ulttyq komandalar men sport rezervteri dıreksıasynyń ótinishi bolyp tur, sebebi munda karate, sambo kúresshileri, balýandar, toǵyzqumalaq sheberleri jáne tipti birshama qoldaýshylarda jınaldy, ulttyq quramanyń kórsetkishin myna silteme boıynsha kórip, daýys berýge bolady: https://youtu.be/HT6CkzwRPls

«Challenge Street Workout KZ» baıqaýyna alǵash ret qyzdar da qatysty, ol Taldyqorǵandyq Azıa chempıony jáne sambodan álem chempıonatynyń kúmis júldegeri Dınara Jumabaeva.

«Men dzúdo jáne sambo kúresinen 4 jasymnan bastap shuǵyldana bastadym. Bala kezimde meni bıleýge májbúrledi, biraq men ony unatpaı, aqyrynda qyzdar ózderin qorǵaıtyndaı kúshti bolýy kerek dep osy sportqa aýystym», - deıdi Dınara.

Street Workout alańy eki saǵat boıy keremet shoýǵa aınaldy. Alańda biri soqqysynyń qanshalyqty myqty ekenin kórsetip jatsa, biri shtanga kóterip, denelerin týrnıkte birneshe ret kóterip, túrli ádisterdi kórsetti. Qatysýshylar arasynda balalar, jastar jáne eresek jastaǵy sportshylarda boldy. Barlyǵy bir týrnıkten, ekinshi týrnıkke ótip árqaısysy ózinshe týrnıkterde sheberlikterin kórsetýge tyrysty.

«Challenge Street Workout KZ» baıqaýynyń aýqymy kún saıyn artyp keledi. Osy sándi jáne paıdaly jobaǵa Qazaqstannyń kópshilikke tanymal tulǵalary da qatysyp, óz múmkindikterin kórsetýde.

«Men estafetany MMA qaýymdastyǵynyń vıse-prezıdenti Anatolıı Kım men  grek-rım, frıstaıl jáne áıelder kúresi federasıasynyń vıse-prezıdenti Erlan Qojasbaıǵa joldaımyn», - dedi Samat Erǵalıev.

«Qazaqstan Barysy» Aıbek Nuǵymarov jattyǵýlaryn aıaqtaı salysymen :

«Men Mádenıet jáne sport mınıstri Arystanbek Muhamedıulynyń joldamasyn qabyldap, ony Gennadıı Golovkınge, sondaı-aq MýzArt tobynyń ánshisi Sáken Maıǵazıevke joldaımyn».

Esterińizge sala keteıik, Mádenıet jáne sport mınıstri Arystanbek Muhamedıuly "Challenge Street Workout KZ" baıqaýyn bastaǵan bolatyn. Mınıstr atalmysh jobany Olımpıada chempıony Serik Sapıev, ánshi Qaırat Nurtas, akter Ádil Ahmetovke joldaǵan bolatyn. Bul bastamaǵa qoldaý bildirip, sportshylarymyz birinen soń biri jobany jalǵap ketti. Olardyń qatarynda Bahtıar Artaev, İlıas Súleımenov, Denıs Ten, Galıb Djafarov, Arman Chılmanov pen Qanat Islam da bar.

Baıqaýǵa qatysa otyryp óz qalańyzǵa ne aýylyńyzǵa StreetWorkout alańyn utyp alýǵa bolady, sonymen birge aqshalaı syılyqtarda bar. Baıqaýdyń sharttarymen "Challenge Street Workout KZ" saıtynda tolyǵyraq tanysa alasyz.

Baıqaý 10 maýsymǵa deıin jalǵasady.