Gennadıı Golovkınmen judyryqtasqan Vanes Martırosán óziniń ınstagram paraqshasynda qazaqstandyq boksshydan jeńilgenine ókinbeıtinin jazdy, dep habarlaıdy Qamshy.kz aqparat agenttigi.
«Men Golovkındi syılaımyn. Myqty boksshymen bir rıngte jekpe-jekke shyǵý men úshin zor mártebe. Men óz komandam men jankúıerlerime qoldaýlary men mahabbattary úshin alǵysymdy bildirgim keledi» dep jazdy Vanes Martırosán.
vesti.kz portalynyń málimetine sáıkes, Martırosán Golovkınmen judyryqtasýy múmkin meksıkandyq boksshy Saýl Alvareske óz keńesin aıtqan.
«Kanelo» áli kóp nárseni dáleldeý kerek. Golovkınniń anaý etti nelikten jegenin túsindim. Eger Golovkın 36 jasynda osyndaı deńgeıde judyryqtasatyn bolsa ol naǵyz erkek eken... Men onyń kim ekenin túsiný úshin jekpe-jekke shyqtym. Ol meniń osal jerimnen birden ustap aldy. Golovkın óte jaqsy jumys istedi. Meniń Kaneloǵa aıtar aqylym – Qash», - dedi ol jekpe-jekten keıin ótken konferensıada.
Aıta keteıik, keshe Gennadıı Golovkın men Vanes Martırosán judyryqtasqan. Gennadıı Vanesti ekinshi raýndta nokaýtpen jeńgen bolatyn.
