Uıtqı soǵyp ARQADA JEL AZYNAP, Alaı-dúleı, Sar dalanyń sazyn ap. QUTYRYNYP ESİREDİ BOZ-BORAN, TÓLQUJATQA QYSTYŃ ATYN JAZYP AP...   Jatsa-daǵy sýyq qaryp, JAN ULYP, Ótý kerek zańdylyqqa baǵynyp... ...AIAZ KETİP BARA JATYR DOLDANYP, Átteń, átteń, QYSTYŃ ATYN JAMYLYP...   Aqylmannyń syrt kórnisin múrıt qyp, Burqasyn da jasap jatyr bir ıttik. Sýmaqy jel qolyn salyp Arqaǵa, MYNAÝ ELDİŃ JÚREGİNDE JÚR UITQYP...   Birde Batys... Birde Shyǵys... Betke alyp, BUZYLDY ǴOI BİZDERDEGİ KÓP QALYP... Arlandar da bara jatyr jymyǵyp, Arqarlar da Arqa jaqtan ketti aýyp.   AZAT ELDİŃ TÚTİNİN TİK USHYRMAI, SHALQYTASYŃ ÁR TARAPQA, Qysylmaı. «Óz tútinin ıiskemegen»,-dep qartym, Kúńkildeıdi urpaǵyna tushshynbaı...   Taǵdyryna ÓKPE-NAZY telegeı, DİR-DİR ETİP, Adamdar júr shóregeı. ERLİK PENEN ERMEN SİŃGEN QANYNA, JALBYR TONDY BABAM ÓTKEN, ...ELEMEI.   BİRİ – QYZYL, BİRİ – SARY, BİRİ – KÓK, Myna urpaqtyń BÚRSEŃDEITİN kúni kóp. BORAN AIDAP, Qasqaıarǵa qaımyǵyp, Ketip barad, Júreginiń túgi joq...   Yzǵary bar, qalaı onyń jany ańdar?! SANASYNDA TOQTAMAITYN BORANDAR... Ketip bara jatyr áne MÁZ BOLYP, Júregine toń kótergen ADAMDAR.   Aıazǵa da, Boranǵa da shep quryp, Sanasynda qarsy joıqyn ot júrip, Óz dalańdy óziń bıle, Qaıdasyń, Bekzat bolmys, Eı, bekzada TEKTİLİK!  

  Tegim – nájis, Men – álsiz. Baǵym ba eken, Kúlippin... Uly syıdan habarsyz, «Meni» men dep júrippin.   Beý, ómirim, tapal

-aq. Qaıda zýlap barasyń?! Tirshilik dep atap ap, Eki álemniń arasyn.   Topyraqtan jaralǵam, Topyraqsha gúl ónbeı. Aryla almaı jaramnan, Jer qoınyna kirem be, eı?!   Bastalýy, sońy bar, Asyp-toldyq beker BİZ. AQIQATY OQYLAR, BİR-BİR DÁPTER EKENBİZ.    

  Sen osy, Sáni me eń ǵalamnyń, Oılamaı otyrý maǵan muń. Esimdi alasyń eriksiz, Erkimnen adasyp qalamyn.   Sezimder selkeýli ortadan, Ǵashyq bop qalyppyn men saǵan. Kórsem dep júr edim bir baqyt, Sol bir jan sen be ediń ańsaǵan.   Jaıqaltyp, Keýdeme gúl ektiń, Lúpilin tyńdashy júrektiń. Baılandym qap-qara burymǵa, Beıneńe dir ettim.   Jibekteı minezdi, altynym, Ózińe aıtatyn bar syrym. İńkármin jaıdary júrekke, Ádemi ıbańa tántimin.   Janary – ot. Qasy da qıylǵan, Ańsaǵan baǵym ba eń qıyrdan, İzdegen qushtarym óziń bop, Sen bolshy baqytym buıyrǵan.   Orazbek SAPARHAN Jas aqyn 1987 j. Shyńjańnyń Erenqabyrǵa óńirinde dúnıege kelgen. Abaı atyndaǵy QazUPÝ-dyń Fılologıa fakúltetiniń jýrnalısıka mamandyǵyn bitirgen. Óleńderi men áńgimeleri

(2005 j. Shymkent),

(2 kit. Proza, Poezıa, 2006 j.),

(Termeler jınaǵy: 2007 j.),

kitaptaryna engen. 2002-2006 j.j. aralyǵynda Shyńjańdaǵy qazaq radıosynyń balalar men jastarǵa arnalǵan «Qaýashaq» jáne «Jastar ómiri» baǵdarlamalarynda 30-ǵa jýyq óleńderi jarıalanǵan. Qytaıdaǵy qazaq jazba ádebıetiniń negizin qalaýshy, aqyn, ǵulama Ǵazer Aqytulynyń Aqyt Úlimjiulynyń eki tomdyq

(Konıa, 2011 j. - 652 b.) kitabyn,

(Almaty: Toǵanaı T., 2007. - 224b.) atty kitaby men Sonymen qatar, Sádýaqas qajy Ǵylmanıdyń

atty eńbegin tóte jazýdan aýdarǵan. 2005 j. Shymkent qalasynda ótken «Ar, ıman – qalqanym» músháırasynyń I oryn ıgeri, «Altyn qalam-2014» táýelsiz ádebı baıqaýynda «Jyldyń eń úzdik poezıasy» atalymynyń jeńimpazy.  

Tapal- alasa, bákene.