Tańǵalamyn Sizdeı ǵajap tulǵaǵa,

Qandaı ádil, halyq bergen bul baǵa.

Alty alashtyń ardaq tutqan perzenti,

Kemeńgersiz, uly oıshyl, Siz – dana!

Sizdi kórý maǵan degen bir baqyt,

Máńgi este saqtalady bul ýaqyt.

Murat ata! Ruqsat bolsa oqıyn,

Sizge arnap jazǵan edim jyr-jaqut!

Altyn kúnniń sáýlesindeı taralǵan,

Uly Abaıdyń jyrlarynan nár alǵan.

Sizdi asyldyń synyǵyna balaımyz,

Áýezovtiń armanynan jaralǵan.

Oqý izdep talaptanyp jasynda,

Máskeýge de san bardyńyz rasynda.

Bilim kózi kitapta ekenin,

Úırendińiz ákeńizdiń qasynda.

Ǵalym, elshi jáne basshy boldyńyz,

Bıik mansap tuǵyryna qondyńyz.

Umytylmas etken eńbek, tókken ter,

Halqymyzdyń júreginde ornyńyz!

El dep soqqan kúndiz-túni júregi,

Murat Áýezov – Merkimizdiń túlegi.

Júz jasańyz uly Jambyl babamdaı,

Osy bizdiń oqýshylar tilegi!

Symbat ABATBAI,

Jambyl oblysy,

Merki aýdanyndaǵy

V.Savva atyndaǵy №9 JBBM

10-synyp oqýshysy, Respýblıkalyq 

«Ǵumyrdarıa» balalar men

jasóspirimder ortalyǵynyń

uıymdastyrýymen ótken

«Qulaqtan kirip boıdy alar»

baıqaýynyń «Kórkem sóz oqý»

nomınasıasy boıynsha I oryn ıegeri