Memleket basshysy Qorǵanys jáne aeroǵarysh ónerkásibi mınıstri Beıbit Atamqulovty qabyldady, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.

Kezdesýde Qazaqstan Prezıdentine mınıstrlik tarapynan atqarylǵan uıymdastyrýshylyq is-sharalardyń nátıjeleri jáne V halyqaralyq «KADEX-2018» qarý-jaraq jáne áskerı-tehnıkalyq múlik kórmesine daıyndyq barysy jóninde baıandaldy.

B.Atamqulovtyń málimetine sáıkes, «KADEX-2018» halyqaralyq kórmesine 48 eldiń resmı delegasıasy keledi. Kórmede álemniń 28 elinen 318 kompanıa óz ekspozısıasyn tanystyratyn bolady.

Sonymen qatar, Qorǵanys jáne aeroǵarysh ónerkásibi mınıstri Elbasyǵa qorǵanys ónerkásibi men memlekettik qorǵanys tapsyrysy salasyndaǵy strategıalyq jáne normatıvtik quqyqtyq qujattardyń ázirlený barysy týraly málimdedi.

Kezdesý sońynda Nursultan Nazarbaev birqatar naqty tapsyrma berdi.