Qasıetti Ramazan aıynda Aqtaýdaǵy №26 «Qarlyǵash» bóbekjaıynda «Qaıyrymdylyq – adamgershilik belgisi» atty jármeńke ótti, dep habarlaıdy Qamshy.kz aqparat agenttigi. 

Jármeńkeden túsken  549 220 teńge astanalyq Alıma Kópeı esimdi bir jas bes aılyq qyzdyń emine jiberildi.  Qazir ol Seýl qalasynda hımıoterapıa kýrsynan ótýde.

Alıma qaterli isik dertine shaldyqqan. Dárigerler tolyq saýyǵyp ketetinine kepildik bermegen.  Alımanyń ata-anasy qyzyn AQSH, Germanıa, Ispanıa elderiniń birinde emdetýge nıetti. Oǵan ketetin qarjy 100 myń eýrodan bastalady. Qomaqty qarajatty jınaý úshin qazaqstandyqtar qoldarynan kelgenshe kómektesip jatyr. Bul saýapty isten Aqtaýdaǵy balabaqshalary da tys qalmady.   

Aqtaý qalasy № 26 «Qarlyǵash» bóbekjaıynyń dırektory Gúlnar Shynǵalıevanyń aıtýynsha, Elbasynyń «Bolashaqqa baǵdar: rýhanı jańǵyrý» atty maqalasynda aıtylǵan «Týǵan jer» baǵdarlamasyn júzege asyrý aıasynda qalalyq bilim bóliminiń is-sharalar josparyna sáıkes, sondaı-aq Astana qalasynyń 20 jyldyǵy jáne Aqtaý qalasynyń 55 jyldyǵyna oraı qaıyrymdylyq jármeńkesi ótkizilip otyr. Oǵan shahardaǵy barlyq memlekettik balabaqshalar qatysty. 

«Qazaq áýelden jetimin jylatpaǵan halyq ekendigi belgili. Aramyzda jany jomart jandar az emes, qaltasy qalyń azamattar qol ushyn sozyp jatqandyǵy qýantady. Satylymǵa shyǵarylǵan táttiler, kıim-keshekter, áshekeı buıymdardy satyp alýǵa ata-analar, balabaqsha tárbıeshileri men qala turǵyndary belsendilik tanytty. Barynsha qarjy jınaýǵa kómekterin aıamady jáne kishkentaı Alıma qyzymyzdyń saýyǵyp ketýine shyn tilekterin jetkizdi. Bul sharaǵa «Janel» jekemenshik bóbekjaıy da belsendi qatysyp, jármeńke uıymdastyrdy», - dedi Gúlnar Shynǵalıeva.

Aıta ketý kerek, satylymǵa shyǵarylǵan ónimderiniń deni balabaqsha tárbıelenýshileriniń qolymen jasalǵan. Atap aıtqanda túrli toqyma buıymdary, shashqa taǵatyn zakolka, monshaq, bantık, shulyqtar. Kondıterdik ónimder (tort, bıskvıt, bálish, quımaq), kıim-keshekter, kádesyılar, oıynshyqtardy satylymǵa shyǵaryldy. Jármeńkeden túsken 550.000 teńge Alımanyń otbasynyń shotyna aýdaryldy.

Shara aıasynda búldirshinder án aıtyp, bı bılep óz ónerlerin kórsetti. Sonymen qatar, jármeńkege belsendi qatysqan balabaqsha ujymyna Aqtaý qalalyq bilim bóliminiń atynan alǵys hat tabystaldy.   

Kámshat İzbasarova