Golden Boy Promotions promoýter kompanıasynyń prezıdenti Erık Gomes meksıkalyq boksshy «Kanelo» Alvareske (49-1-2, 34 KO) jańa qarsylas izdep jatqanyn málimdedi, dep habarlaıdy Vaq.kz aqparat agenttigi sports.kz basylymyna silteme jasap.
Tańerteń «Kanelo» úshin Golovkınmen revansh ózekti bolǵan. Biraq qazaqstandyq boksshynyń komandasy kelisimsharttyń talaptaryn qaıta qaraımyz degennen keıin «Kanelo» da sheshimin ózgertti.
«Qazirgi ýaqyt boıynsha aıtsam, jekpe-jek joq. Eger dúısenbi tańerteń suraǵandaryńyzda, onda kelisimge qol qoıýǵa az qaldy, tek keıbir detaldi kelisý kerek der edim. Biraq olar júlde qordy teń qylyp bólý týraly usynys aıtty. Sodan soń biz bul revanshtan bas tarttyq. Endi basqa qarsylas izdep jatyrmyz», - dedi Gomes ESPN Deportes saıtyna bergen suhbatynda.
«Kanelo» Alvarestiń jekpe-jegi 15 qyrkúıekke josparlanǵan.«Saýldiń tańdaýy kóp. Denıel Djeıkobs pen Bıllı Djo Sonders, Jermall Charlo jáne Davıd Lemó, sondaı-aq Spaık O’Sallıvan bar. Golovkınniń de tańdaýy joǵary. Ol mindetti úmitkermen de bokstasa alady. Mysalǵa kásipqoı rıngte 12 jekpe-jek ótkizgen Sergeı Derevánchenko. Bokstasqysy kelse, eshkim tanymaıtyn jigitpen bokstassyn. Biraq biz olardy kútip otyrmaımyz», - dep qorytyndylady Erık.
