Meni ylǵı Álıhan atamyzdyń lıberaldyq-demokrattyq ustanymdary tolǵandyrady. Óıtkeni, HİH ǵasyrdyń sońy men HH ǵasyrdyń basyndaǵy jalpy Reseı jerindegi lıberaldyq qozǵalystar jaǵdaıynda demokratıalyq qaǵıdalardy jarıalaý árkimniń bolmasa da, kópshilik ıntellıgentterdiń qolynan keletin. Biraq, jaı ǵana maqalalar men petısıalarda, baıandamalar men partıalyq tuǵyrnamalarda solardy jarıalaý bar da, ony ómirlik saıası proseste qoldaný bar. Ekeýiniń arasy, - ańǵaryp qaraǵan adamǵa, - jer men kókteı. Álekeńder Alashordanyń bıligin qolǵa alyp, Semeıge kelgende, Qarqaraly azamattary Patsha zamanynda qýǵyn-súrgin uıymdastyrǵan bolystardy jazalaýdy usynypty. Álekeńniń inisi Smahannyń esteliginshe, «Álekeń kek qýmańdar» dep dúıim eldi toqtatqan. Jańa bılik ýaqytynda «kek qýmańdar» degen bir aýyz sózdiń astarynda myńdaǵan adamdardyń taǵdyryn sheshetin salmaq bar. Bul jerde Álekeńniń kisilik kelbetiniń de bir qyry jatyr. Álekeńniń 1913 jyly «Qazaq» gazetine jazǵan «Uıat-aı» degen maqalasy da adamshylyq bıiginiń qanshalyqty tereńge ketkenin kórsetedi. Abyl men Qabyldy eske alady. Álıhan bul zamanda beınelep aıtqanda, ulttyń ákesi, zıaly qaýymnyń tárbıeshisi boldy. Sol bıigin mindetsimeı, halqyna kiná artpaı, ultynyń arly kóshbasshysy boldy. Saıasatta ashyq kúreske shyqty, jaýynyń ózine ádil bolýǵa baryn saldy. Álekeńniń 150 jyldyǵyna 1 jyl ǵana ýaqyt qaldy. Keler jyl Álekeńnen put jasaý emes, shyn máninde álıhantaný, Álekeńniń adamı kelbetin taný, saıası jolyn uǵyný, Álekeńniń amanattarynan oı qorytý jyly bolady dep úmittenemin.
(Bolat Múrsálimniń feısbýktegi paraqshasynan)
