Reseılik Apple ónimin tutynýshylar Telegram  jelisiniń jańarǵan nusqasyn App Store arqyly qaıta jańarta  alady. Bul jaıynda kompnıanyń  Twitter  paraqshasynda jarıalandy. 

Telegramnyń negizin salǵan Pavel Dýrov Apple korporasıasyna messendjerdi jańartýǵa múmkindik bergeni úshin óz alǵysyn bildirdi.  

— Apple korporasıasyna jáne Tım Kýkke Telegram-nyń jańarǵan nusqasyn sátsizdikterge qaramaı, mıllıondaǵan qoldanýshyǵa qoljetimdi etkeni úshin raqmet, - dep jazdy Dýrov.

31 mamyrda Dýrov servıstiń jumysyny Apple korporasıasynyń tosqaýyl bolyp otyrǵanyn jazǵan edi. Bıznesmenniń aıtýynsha, kezdesken qıyndyqtarǵa qaramaı, iOS 11.4 qoldanýshylary Telegramnyń jańarǵan nusqasyn paıdalana alady. Al Apple 30 mamyrda Telegramnyń App Store-daǵy jańartýyn buǵattap tastaǵa bolatyn.