Donald Tramp Kım Chen Ynmen 12 maýsymǵa josparlanǵa kezdesýdiń qalaı da bolatynyn málimdedi. Bul jaıly ol Aq úıdegi KHDR ókilderimen ótkizgen kelissózderinen keıin aıtqan.
Buǵan qosa, AQSH prezıdenti Soltústik Koreıanyń ıadrolyq qarýdan túbegeıli bas tartýdy nıet etkenin, alaıda Phenán muny maquldamaı otyrǵanyn málim etti.
Soltústik Koreıa elshisi general Kım En Chol Trampqa Soltústik Koreıa basshynyń hatyn tabystady. Tramp hattyń qyzyqty bolǵanyn málimdep, mazmunymen bólisetinin aıtqan. Alaıda hat sol kúıi oqylmaǵan.
Prezıdenttiń kómekshisi Den Skavıno Donald Tramptyń hat alyp turǵan sátinen fotolar jarıalady.
Tramp Soltústik Koreıaǵa qarsy sanksıalardan bas tartatyn kúndi taǵatsyzdana kútip otyrǵan kórinedi, biraq ázirge ol memleketke qarsy jańa júzdegen sanksıalar engizýge daıyn.
«Menińshe, bári sátti ótedi. Olar – keremet jandar. Nátıjesiniń tabysty bolatynyna senimdimin. 12 maýsymda kezdesermiz, sol kezde bári anyqtalady», - dedi prezıdent Sotústik Koreıa delegasıasymen kezdeskennen keıin.
Tramp 12 maýsymǵa josparlanyp, keıin jospardan alynǵan kezdesýdiń qalaı da bolatynyn málimdedi. Bul tarıhı samıt bolsaq, sebebi Amerıka basshysy men Soltústik Koreıa alǵash ret jeke kezdesedi.
