Qyzylorda oblystyq ishki saıasat basqarmasynyń basshysy laýazymyna Talǵat Tolybaıuly Mahanov taǵaıyndaldy, dep habarlaıdy Qamshy.kz aqparat agenttigi.

Bul týraly Qyzylorda oblysy ákimdiginiń Facebook áleýmettik jelisindegi resmı paraqshasynda habarlandy.

Talǵat Mahanov 1976 jyly týǵan. Ál-Farabı atyndaǵy Qazaq memlekettik ulttyq ýnıversıtetin «Jýrnalısıka», Máskeý ekonomıka, statısıka jáne aqparat ýnıversıtetin «Qarjy jáne nesıe» mamandyqtary boıynsha bitirgen.

Eńbek jolyn 1993 jyly «Baǵym» jaýapkershiligi shekteýli seriktestiginiń jumysshysy retinde bastaǵan.

1997-2007 jyldary «Habar» aksıonerlik qoǵamy men «Qazaqstan» respýblıkalyq teleradıokorporasıasynda jaýapty qyzmetter atqarǵan.

2007-2015 jyldary Qazaqstan Respýblıkasy Aýyl sharýashylyǵy mınıstrliginiń baspasóz hatshysy, Qazaq agrotehnıkalyq ýnıversıteti baspasóz ortalyǵynyń dırektory, Qyzylorda oblysy ákimdiginiń is basqarmasy dırektorynyń orynbasary.

2015 jyldan osy kezge deıin Qyzylorda oblysy ákiminiń kómekshisi laýazymynda qyzmet atqaryp keldi.

Talǵat Tolybaıulyn jańa qyzmetimen quttyqtaı otyryp, abyroı men tabys, el múddesi úshin jasaǵan ár qadamyna sáttilik tileımiz.