Almatylyq Aıda Ahmetova menıngokok ınfeksıasynan kóz jumǵan bes jastaǵy uly men 19 jastaǵy kelini jaıynda aıtyp berdi, - dep jazady Tengrinews.kz.
Qaıǵyly oqıǵa maýsymnyń 1-nen 2-ne qaraǵan túni tirkelgen. Dárigerler balanyń ólimin 2 maýsym saǵat 02:00-de tirkegen. Al 3 maýsym tańǵy 09:00-de balanyń týystary kelinderiniń kóz jumǵanyn estigen.
Ahmetovanyń sózinshe, biraz ýaqyt buryn ol kúıeýimen birge qaladan oblysqa kóshken. Otbasy Tabaksovhoz aýylynan jer telimin satyp alǵan, alaıda, áli qujatyn tolyq bitire almapty. Sondyqtan balany qaladaǵy balabaqshaǵa aparǵan. Bala Aıda Ahmetovanyń ata-anasynyń qolynda Dýman yqshamaýdanynda turǵan. Sol úıde Aıdanyń inisi turady, ol taıaýda 19 jastaǵy Aıjan Naýryzbaevaǵa úılenbek bolǵan eken.
"Men ınfeksıalyq aýrýhananyń qyzmetkerlerine rızamyn. Olar sońyna deıin arpalysty. Men ulym aýyryp jatqan úıge jedel járdem shaqyrtqanmyn. Olar Tabaksohozǵa jyldam keldi, biraq, qalaǵa aparmaımyz, oblystaǵylardy Talǵar aýrýhanasyna jatqyzý týraly buıryq bar dedi. Olarǵa qońyraý shala almadyq, ınfeksıalyq aýrýhanalary bar ma bilýge. Kútip otyra almadym, balany alyp, qalaǵa kettim, sol jerde jedel járdem shaqyrdym.
Jaqsy feldsher jolyqty, aýrýhanaǵa tez jetkenimen, kólikte 30 mınýttaı jattyq, óıtkeni 12-shi aýrýhanada bos oryn bolmady. Osy 30 mınýtta toǵyz balany alyp kelgenin kórdim. Balalaryn ózderi alyp kelgen ata-analar bar. Kezek sumdyq boldy.
10 mınýt qarady da jansaqtaý bólimine jatqyzdy. Boldy. Perishtemizden aıyrylyp qaldyq. Qaıǵydamyz. Bar bolǵany bes jasta edi. Osy ýaqytta anam kelinimizdiń keshe aýyryp qalǵanyn aıtty. Birden oǵan qońyraý shaldyq - shamamen tańǵy 05.30-06.00-da. Ol ózin Talǵardan Qaskeleńge jedel járdemmen alyp ketip bara jatqanyn aıtty. Qyzýy qatty kóterilipti.
Telefondy feldsherge berýdi suradym. Sóılesip, jaqyn mańdaǵy ınfeksıalyq aýrýhanaǵa jetkizýin suradym. Qaskeleńge deıin shydamaıtynyn, ulymnan bir saǵatta aıyrylyp qalǵanymdy aıtty. "Úlgermeısińder, taǵy bir adamnan aıyrlǵymyz kelmeıdi", - dedim men. Feldsher bizdi oblysta turatynymzdy, al eń jaqyn aýrýhana Qaskeleńde ekenin aıtty. Oılańyzshy Talǵardan Qaskeleńge, kemi eki saǵat. Biz odan da aıyrylyp qaldyq, bir otbasynan eki adam.
Qazaqstannyń barlyq azamattaryna aıtatynym! XXI ǵasyrda adamdar qalaısha indetten kóz jumady? Nege uıymdardy karantınge jappaıdy? Aldyn ala tekserýge bolmas pa edi? Vaksına qaıda, nege onyń quny 22 myń teńge? Barlyǵynyń oǵan qoly jete me? Birneshe balasy bar, al tabysy 60 myń teńge ǵana otbasylar ne istemek?
Bir elde turyp, aýdandarǵa bólinemiz, sumdyq-aı! Bir el emespiz be, biraq, Talǵarda tirkeýde turǵandardy emdeı almaımyz! Qazaqstan halqyna ótinishim, osy máseleni kóterý kerek! Qazaqstannyń barlyq turǵyndarynan, saıttar men telefondardy berip, osyndaı dertke shaldyqqandarǵa qatysty bassyzdyq bolyp jatqanyn bári bilse eken. Mal sıaqty qyrylyp jatyrmyz, al indet tarap jatqany týraly dabyl qaǵylyp jatqan joq", - deıdi Aıda Ahmetova. Dinmuhammed ata-anasymen Ahmetovanyń sózinshe, uly ómirge qushtar jáne án salǵandy unatatyn. Ony án úıirmesine bermek bolǵan eken.
"Daýysy ádemi, úıde de, balabaqshada da bári ony jaqsy kóretin. Ánshi bolýdy armandaıtyn. Keshe anamnyń túsine kiripti. Infeksıalyq aýrýhanaǵa baryp, dárgirelrege gúl syılaýdy ótinipti. Esimizdi jıǵan soń, solaı etemin. Biraq qazir esimizdi jıa alar emespiz, óıtkeni ulymdy da, kelinimizdi de kórsetpeıdi. Jabyq kúıde ákeledi, adamdar juqtyryp almas úshin", - deıdi ol.
"Ulymyzdy qıdyq, kóndik. Biraq sońǵy ret bolsyn qushyp, súıip, qanshalyqty súıetinimzdi aıta almaı, jupar ıisine qushyrlana qanbaı almaı ketkenimizge janym aýyrady. Bizde qalǵany tek tamasha estelikter ǵana. Ony qatty súıemiz. Ol ortanyń gúli, bárimen dos, pozıtıvti ári kek saqtamaıtyn edi. Ol aýzyn ashyp, menen suraıtyn edi: "Júregimdi kórip tursyń ba? Ol jartylaı ákemdikine, al ekinshi jartysy senikine uqsaıdy", - deıtin. Sol júregi ınfeksıany kótere almady.
Ulym Aıjandy súıetin, endi olar birge. Alla kúnálárin keshirip, jandaryna tynyshtyq bersin. Perishtemizdiń qasynda bolǵaı. Oǵan barlyǵy úshin rızamyn", - deıdi Aıda Ahmetova.
