Qyrǵyzstandyqtar Qazaqstannan menıngokok ınfeksıasy kelgeni jaıly habarlamalar alyp jatyr. Habarlamada turǵyndarǵa qoǵamdyq oryndar men salqyn tıýi múmkin jerlerden aýlaq júrýin eskertken.

«Menıngıttiń bizge kelgeni jaıly dáıekti aqparat bar. Abaı bolyńyzdar, balalaryńyzdy baqylap júrińizder. Baseınderge jolatpańyzdar, sýyq tıetin jerlerge barmańyzdar, jemis-jıdekterdi jýyp júrińizder», - dep keltirdi Sputnik Qyrǵyzstan turǵyndarǵa kelip jatqan habarlama mazmunyn.

Qyrǵyzstan Densaýlyq saqtaý mınıstrliginiń Juqpaly aýrýlaryn baqylaý jáne aldyn alý bóliminiń bastyǵy Dınara Otorbaeva eldegi juqpaly derttiń taralý deńgeıiniń azaıǵanyn málimdedi.

«Bul 15-20 jylda bir ret shyǵatyn sıkldik dert. Al dúrbeleń týdyratyn adamdarmen Ulttyq qaýipsizdik komıteti aınalysý kerek», - dedi Otorbaeva.

Al budan buryn Qyrǵyzstanda eki balanyń menıngıtten kóz jumǵany týraly habarlanypty. Tek densaýlyq saqtaý mınıstrligi bul aqparatty joqqa shyǵardy.

Aıta keteıik, Qazaqstanda 2018 jyldyń basynan beri 13 adam menıngıt dertinen kóz jumdy. Olardyń altaýy – balalar. Juqpaly dertten zardap shekkenderdiń basym bóligi Almatyda tirkelgen.

Dúısenbi kúni Almatyda menıngıtke shaldyqty degen kúdikpen bala aýrýhanaǵa tústi.